Popular Bible Verses from Mabwəlan 1

Share

Ndé nyí kwisí ngínya wə̌ti Mudî ámə́ n Sáŋí m pílí á nyə́, na nyí pɔŋákí bâ misam ámə́ nyí mə́ní ɛ mín tɛ́ŋgɛnɛ mi á nkí n Jerúsálɛmə, na á pɛsi ɛ Judéya, na Samáriya ansə́sə̌n, kə́ŋ ta nyí pâʼ á lishúʼ lí nkínshíyə”.

Yésuwə a pushú bɔ́ nána, “Sáŋ m myə, mɔ́ na mɔ́ ǎ bwəlán wúnja wú mɔ álí tyə́sí púndá na bwǐn ábə́ yǔm ɛ́ bwəlání. Nyí wɔ́ŋiyǎ wunja álí bî púndá ɛyə̌ misam mín mí bwəlání.

Bǔn bufɔ́ ngə bá shwínjání libú lifɔ́, ngə a bílíní ɛ dyá lidyá na bɔ́, a bəkí bɔ́ maléyá nána. “Nyí si falú á nkí n Jerúsálɛmə. Ndé nyí lɔ́lí ɛ sǐnj nyí kwísi jabeya álə́ Sáŋ m myə a pɔŋíní nána ǎ bə nyə́. Jabeya lî, lɔ́ mi mi məní nyə́ ɛ pɔŋ. Jɔnə́ a bílí ɛ dumsɛ́ baʼ na madí, ndé á ngushu ɛ́ mádû ámə́ má paʼ, bá dumsɛ́ nyə́ na Mudî ámə́ n Sáŋí.”

Butya á púndá ɛyə̌ Yésuwə a wúlíní, li paʼ madû mûm mánîn, a lúfú nyǔ ɛ́ mɔ bitî na bitî á bawútú-bálí-lúm bá mɔ́ álí lúfú nána na mbálɛ a dí wə̌ luŋgɛ́. Bá bílí mɔ́ ɛ mín, ti ǎ byábáníyá bɔ́ tɛ́ŋgɛnɛ wudya wú Dyǔ.

Ngə Yésuwə a mə́ní ɛ́yín ɛ byá, yɔ̂ Dyǔ lí bwə́líní a púmú ámǐn. Ngə bá bílíní mɔ́ ɛ mindi libáŋ lí kfútí mɔ́ bá míniya pə́ mɔ́.

Bá bílí wə̌ ɛ mindi ámǐn ngə Yésuwə a bílíní ɛ kə ámǐn, ti baʼ bábɛ̂ ábə́ bá fílí púwakɛ́ bá nyítí bɔ́ á nsaŋ nyǔ təlí ti baʼ bábɛ̂ bâ bá kɔ́ndɛ́ bɔ́ nána, “Baʼ bá Gálilî, yə̌ nyí tyə́bíní fán, nyí mindíyá ámǐn? Yésuwə anín awə̌ Dyǔ lí mə́ní ɛ bwə a fálu átitîn wú nyə, a pumú ámǐn, á tim pə́ mbís nyay pɔ́ ngə nyí míníní mɔ́ ngə ǎ kəní ámǐn”.