Popular Bible Verses from مَرقُس 7

Share

ایناَ اُوچیایی که اَ وجود وُ دلِ آیِم وُرمیسَه: فکرای بد، بی‌عفتی، دُزی، قتل، زِنا، طمع، شِرارَت، حُقَه، هرزِییی،حسودی،بُهتان،تکَبّر وُ حماقَت. تمام ایی بدیا اَ دِل آیِم دِرمیا وُ اونِه نجس مُکُنَه.»

هوچ چییِ دِ بیرون اَ آیِم نیسا که بَتونهَ وا رَفتن وِ مینِ آیِم اونِه نجس کُنه بَلکه اُوچیایی که اَ مینِ آیِم میا دَر، اونَ که آیمِ نِه نجس مُکُنَه.

عیسی وِشو جُواو دا: «اِشعیای نبی دِبارَ شما ریاکارا چَنی خُو گُفتَه! اوجور که نوشته شیَ: ”ایی قُوم وا لویاشو عزتمه دارَن، امّا دلِشو اَ مَه دورَ.

اونا بیخودی مَنِه عبادت مُکُنَن، وُ تَعلیمِشو چیی بغیر احکامِ بَشری نیسا.“

شما دستوراتِ خدانِه کنار هَشتِین وُ رَسمِ رُسوم بشری نِه وجا میارید.»