Popular Bible Verses from مَتّی 24

Share

اَراخاطرِ شَرَباری فِرِاِئی که مُاو، محبت آیمَلِ فِرِاِئی سردَ مُاو. امّا هر که تا آخِر پایار بِمینی، نجات پیا مَکِ.

و اِئی مِزگِنا پاتشاهی نُمِ گِشتِ دینیا اعلومَ مُاو تا گواهی اَرا گِشتِ ملتَل بو. اِیندا آخِرکارَ مَرَسی.

دربارَه جنگلَ مَشنِ‌إینُون و چُاواِ جنگلَ وَگوشِتُونَ مَرَسی. امّا هراسُون نِن، چیکِ هُنَ اتفاقَلی با بِکِ، امّا هَنو وَآخِری نَرَسیَ.

هَمیژ قومی وَضدِ قومِ تِرِك و مملکتی وَضدِ مملکت تِرِك مِرزِنِر و قِ‌اَطیَل و زمین‌لرزَل نُمِ جااَلِ جورَجورَ مای. امّا گِشتِ یانَ فَقَد شروع دردِ زایمُونَ.

آسِمُون و زمین اَژ بینَ مَچو، امّا قِصَلِ مِ هرگِس اَژ بین نِمَچِن.

چیکِ فِرَ کسَل وَنُومِ مِ مان و موشِن، ”مِ هرَ مسیحی کِم که با بای،“ و آیمَلِ فِرِاِئیَ گُمراهَ مَن.

نُمِ اَ زمُونَ هُمَلَ تسلیمَ مَن تا عذُو بیکیشینُون و هُمَلَ مَکُشِن. گِشتِ ملتَل اَراخاطرِ نُوم مِ اَژ هُمَ بیزارَ مِن. نُمِ اَ روژَلَ فِرَ کسَل اَژ ایمُونِ گُوژِن گِلَ‌میرِن، و خیانتَ مَکَنَ یَکتِرِک و اَژ یَکتِرِک بیزارَ مِن. پیغمبرَلِ دُرُوزِنِ فِرِاِئی مِرزِنِر، و فِرَ کسَلَ گُمراهَ مَن.

عیسی جواُو داتی: «حُاواُسِتُون بو تا کسی گُمراه۟تُون نَکِ.

پس هُمِ‌إیژ آمادَه بین، چیکِ کُرِ انسُون نُمِ ساتی مای که کَمَری نینُونی.

پس حُاواُسِتُون بو، چیکِ نِمَزانینُون خداوندِ هُمَ چِ روژیَ مای.

امّا هیش‌کس اَ روژ و ساتَ نِمَزانی بِخِرَژ بُاواَ؛ حتی فرشتَلِ آسِمُون و کُریژ اَژ اَوَ باخَوَر نین.

چیکِ مسیحَلِ دُرُوزِن و پیغمبرَلِ دُرُوزِن مِرزِنِر، نیشُونَل و معجزَلِ کَلِنگی مَکَرِن تا اَگَر بو، حتی آیمَلی که نیشُون بینَ گُمراه کَن.

مِقِ یاهاتِنِ کُرِ انسُون، مِثادِ روژَلِ نوحَ مُاو. چیکِ نُمِ روژَلِ وِرَژ طوفُون، وِرَژ یَکه نوح بِچواَ نُمِ کَشتی، مردم مُهاردِن و هُرتَ‌مَکیشان و ژَنَ مَگِرتِن و شیَ مَکِردِن و نِمَزِناستِن چَ مُاو تا اِئیکه طوفُون یاهات و گِشتِ آنَلَ اَگَردِ گُوژی بِردی. ظاهر بیِنِ کُرِ انسُونیژ هریجورَ مُاو.