Popular Bible Verses from مَتّی 23

Share

اَوَ که نُمِ هُمَ اَژ گِشتِتُون کَلِنگتِرَ، خذمتکارِ هُمَ مُاو.

چیکِ هر که گُوژی بِریَ ری، خوارَ مُاو و هر که گُوژی فروتَن کِ، سربُلُنَ مُاو.

هِرو اَرِنِتُون اِ معلمَلِ تورات و فریسیَل، اِ ریاکارَل! چیکِ هُمَ اَژ پینَه و شِویت و زیره ده یَک مِ‌إینُون، امّا اَژ دستورَلِ مِهمتِرِ شریعت که هرَ عدالت و رحمت و اَمُونَتَ، ندیدَه مَگیرینُون. یانَ با انجومَ ماتینُون و آنِ‌إیژَ ندیدَه نِمَگِرتینُون.

هِرو اَرِنِتُون اِ معلمَلِ تورات و فریسیَل، اِ ریاکارَل! چیکِ هُمَ پِشتِ جُم و پِشقُاواَ پاکَ مَکِ‌إینُون، امّا نُمِ اَوَ پِرَژ طمعَ و هر وَگُوژِتُونَ مَرَسینُون.

اِ اورشلیم، اِ اورشلیم، اِ قاتل پیغمبرَل و سنگسارکَرِ رسولَلی که رِاَ مَکَنَ لا تو! چَن بار خواستِم مِثادِ مِرخی که جیجِکَلیَ ژیرِ بالِ پَرِ گُوژی جمَع مَکِ، اُویلَلِتَ گَردِ یَک جمع کَم، امّا نَگِستین!

و هر إیجورَ، هُمِ‌إیژ گُوژِتُونَ وَمردِم صالح نیشُون مِ‌إینُون، امّا نُمِ باطنِتُون پِرَژ ریاکاری و شَرَبارینُون.