Popular Bible Verses from OMAYELETUMBULO 16

Share

Oilonga yoye i yandja kOmwene, opo nee eemhangela doye tadi ka wanifwa.

Omutima womunhu tau diladila ondjila yaye, ndelenee Omwene ta endifa eenghatu daye.

Eendjovo doukaume di li ngaashi oshikuki shomaadi eenyiki; ounyenye komwenyo nevelulo lomakipa.

Eemhangela domutima odomunhu, ndelenee enyamukulo lelaka tali di kOmwene.

Omutalanheni e dule omuladi. Ndele ou te lipangele, e dule ou a teya oshilando.

Ounhwa tau tetekele ehanauno, nelinenepeko tali tetekele epunduko.

Eendjila adishe domulumenhu oda yela momesho aye, ndelenee Omwene ta konakona eemhepo.

Ou ta diinine ondjovo, ote ke limonena ouwa. Naau te lineekele Omwene, ye omunelao.

Oshipewa shinini pamwe nouyuki shi dule ouhapu womaliko pamwe noipupulu.

Ope nondjila tai talwa komunhu oya yuka ndelenee exulilo layo eendjila defyo.

Omulumenhu e nekonda ta kunu eemhata, nomulundili ta tukaula ookaume.