Popular Bible Verses from OMAYELETUMBULO 15

Share

Enyamukulo litalala tali kandula po oupyuhandu, ndelenee ondjovo ikukutu tai tukulula ehandu.

Okutila Omwene okwo outekuduliko tau eta ounongo; nelininipiko tali tetekele efimano.

Elaka lipu olo omuti womwenyo, ndelenee lo ngeenge li noipupulu tali holola omufya womomhepo.

Apa pehe nomapukululo, eemhangela tadi nyonauka, ndelenee apa pe novapukululi vahapu, do tadi wanifwa.

Omutima u nehafo tau yelifa oshipala, ndelenee ouyehame womutima tau nyikifa omhepo oluhodi.

Omesho Omwene e li apeshe, ndele taa tale nokudidilika ava vai naava vawa.

Oshipewa shinini mokutila Omwene shi dule omamona mahapu noupyakadi wao.

Omulumenhu omuhandunhu ta pendula eemhata, ndelenee omutalanheni ta anuna eemhata.

Omutima womuyuki otau diladila osho tau shi nyamukula, ndelenee okanya kovahenakalunga taka fulukifa oinima ii.