Popular Bible Verses from दिस.वचन 13

Share

नोआड़े बुधी रेनअः दरकार एदनाआ, जेकर एड़े बुधी एदनाआ हुनी जनवर आला संखेया जोड़ाय, एता लःअय ची होना जाहें होड़ आला संखेया हेके, आउर हुनी आला संखेया हेके छाव साव छेयासठ।

आउर दुनिया रे हुंकू जामा तहिनोअ कु जेकर नुमू धरती रअः सिरजअः बेरा तरअः बलिदान लिनी पठरु आला जिनगी रअः पुथी रे का लिखा लअः एदनाआ, हुंकू हुनी जनवर आला पुजा केआकु।

हुनी छोटे, बड़े धनगार, रांगेःग-तेतांग, निछुंद, बंधाउवा जामेकु आला जोम तीः चाहे हुंकू आला समांग रे मि-मियांड मरकाअ ची लिकुआय। हुनी के बाई केते जे एड़े मरका माने कि हुनी जनवर आला नुमू, चाहे हुनी आला नुमू रेनअः संखेया ताहिन, जाहें एटाअ एतान होः इरकु किरिङ-आखरिङ दड़ीआ।

जेके जेहेलोअ एदनाआ हुंकू जेहेल कोआकु। जेके तलवाईर तरअः गोजोअः एदनाआ हुंकू तलवाईर तरअः गी गोएःग कोआकु, पबितर होड़कु आला धीरज आउर बिसवास निआँ रे एदनाआ।

आउर ईङ मियांड जनवर के समुदर तरअः उडुंग यअते नेल लियीङ, जेकर दस गोड़ दिरींग आउर सात गोड़ बोहोअ ताहिना। आउर हुनी आला जामा दिरींग रे राईज मुकूट सोलोंग ताही लःअय, आउर हुनी आला जामा बोहोअ रे परमेसर आला निन्दा रेनअः नुमू लिखा लअः थिना।

आउर हुनी के नोःआँ हक एमा लियाकु, ची पबितर होड़कु लो: लड़ाए, आउर हुंकू तरअः जीताए, आउर हुनी के जामा गोतोर, आउर होड़, आउर भाखा, आउर जाईत रे हक एमा लियाकु।

आउर हुनी के पहिला जनवर आला हक तरअः हुनी मड़ांग ढेर चिनहा देदेखाव रेनअः हक एमा थिलयाकु। होना चिनहा तरअः धरती रे ताहिनोअकु के बहकाव कु केनाय। धरती रे ताहिनोअकु के बेता कुकेनाय, ची जे जनवर के तलवाईर लगाव थिना जिवीःड तनाय, हुनी आला मुरती बनायपे। आउर हुनी के हुनी जनवर आला मुरती रे जीव ललगाव रेनअः हक एमा लियाकु, ची जनवर आला मुरती कंहड़ीये, आउर जेतना होड़ हुनी जनवर आला मुरती इरकु पुजाय, हुंकू के गोएःग ची गुलताकु।

आउर जे जनवर के ईङ नेल लियीङ हुनी बना कूल लकान ताहिनाय, आउर जांगा ते भालु आला लकान, आउर आहाते जटा कूल आला लकान ताहिना; आउर हुनी बोड़ा बिंङ अपन सवांग, आउर आएंग आला राईज गदी, आउर बड़े हक, हुनी के एमा किदयाय।

आउर बड़वारी क-कंहड़ी आउर नि-निन्दा लःअय हुनी के मियांड आहा एमा लियाकु, आउर हुनी के बेयालीस माइहना ककामी लःअय हक एमा लियाकु।

आउर ईङ हुनी आला बोहोअ मेसे मियांड रे बड़ेअ केन घाव नेल लिईङ, मनाअ पे ची हुनी गोजोअः वाला एदानिया; बकिर होना गोजोअ-गोजोअ वाला घाव बेस ना, आउर गोटा धरती रिनकु होड़ हुनी जनवर रेनअः पछली-पछली छकरित यअते चलाव नाकु।

फिन ईङ मियांड जनवर के धरती तरअः उड़ूंगोः नेल लियीङ, हुनी आला दिरींगते पठरु आला लकान बरिया ताहिनेना। आउर हुनी बोड़ा बिंङ लकान कंहड़ी केनाय। आउर नुई, हुनी पहिल रिनी जनवर आला जामा हक तरअः हुनी मड़ांग रे कामी केनाय, आउर धरती आउर होनारे ताहिनोअकु तरअः हुनी पहिल रिनी जनवर आला जे आला गोजोअ-गोजोअ वाला घाव बेस ना, हुनी आला पुजाअ चिकु केनाकु