Popular Bible Verses from कोलोसी 2

Share

आपे ख्रीस्त ईसु के परभु रअः भेस रे अपनाव तदियापे। हिना लःअय हिनी लोः मिलाव केते जिनगी रे चलाअ पे। हिनी रे आपे आला जाईर सबे आउर नेव मजगुत हुयाअः, आपे के जे बिसवास रअः सिकछा भेटाव ताना, हिना रे मजगुत ताहिनोः पे आउर आपे आला कुठी रे धन्यवाद रअः बिनती एकाय पे।

चौंवचित ताहिन पे नोकान आलु हुयाव कोअ ची जाहें आपे के नोकान बेकार आउर धोखा एमोः वाला गेयान रअः दोवारा बहकाव पे, जे होड़कु आला मारी सिकछा मोताबिक एदनाआ आउर ख्रीस्त रे कोवान, बकिर दुनिया रअः जिनीस मोताबिक एदनाआ।

आपे आला गुनाह रअः चलते आउर अपन होड़ो रअः खतना रअः घटी रअः चलते गोएःग तहिनापे। परमेसर ख्रीस्त लोः जिवीःड-बिरीःड तदपेआय आउर आबु आला जामा पाप के छमा लःअय। हुनी कनहुन रअः होना चिठी के, जे आबु आला नुमू रे आउर बिरुध रे ताहिना, होना के मेटाव लःअय आउर कुरूस रे ठोकाव रअः दोवारा होना के आबु तरअः हटाव लःअय।

एता लःअय ची ख्रीस्त आला मनवा होड़ो रे परमेसर खुदे भरल-पुरल लोः बसाआय। आउर ख्रीस्त रे स्थिर ताही केते आपे पेरेःग बनाव तनापे, ख्रीस्त दुनिया रअः जामा सासक आउर हाकिमकु आला बोहोअ हेके।

हिना लःअय जाहें के होः नोःआँ हक कनोआँ ची होना जोजोम-नुनू, परब, नावाँ चानु चाहे सथाअ हिला रअः बारे रे आपे रे दोस लगायाय। एता लःअय ची नोःआँ कुन जामा हिजोः वाला बात कुन रेनअः उम्बुल हेके। असलीयत दो ख्रीस्त गी हेके।