Popular Bible Verses from 2 कुरिन्थी 5

Share

हिना लःअय जाहें ख्रीस्त रे एदान कुआ, दो हुंकू नावाँ गरहाव लिनकु बनाव जुनोआकु। मारी बात चबाअः ना नेलेपे जामा नावाँः ना।

ख्रीस्त रे एतान पाप होः का ताही नेना। सेरे होः परमेसर आबु आला पाप हुनी तेंग रे लादी लःअय, जेकर से आबु हुनी दोवसते परमेसर आला धरमिकता रे सझेदारी पाड़ी योअबु।

एता लःअय ची आबु नेल लअः बात रे कोवान बकिर बिसवास रे चलाआबु।

नोःआँ जामा बात हुनी परमेसर पखा तरअः एदनाआ। जे आबु के ख्रीस्त तरअः अपन लोः मेल मिलाप तदबुआय। हिनी आबु के नोःआँ मेल मिलाप रअः सेवा रेनअः काम एमा तदबुआय जेकर से ची आबु एटाअ होड़कु के परमेसर लोः मेल मिलाप दाड़ी सकाव कुबु। माने कि परमेसर होड़कु आला गुनाह रेनअः दोस के हुंकू तेंग रे काय लादी लआ। बकिर ख्रीस्त तरअः होड़कु के अपन लोः दुनिया रआ मेल मिलाप लःअय। आउर हिनी गी हुनी लोः मेल मिलाप रअः संदेस आबु के एम तदाय।

हिना लःअय आले ख्रीस्त आला संदेस उउदूः कु आला भेस रे कामी याले। आउर मना-आले ची परमेसर आले तरअः आपे के समझाव देपेआय। ख्रीस्त पखी तरअः आले आपे तरअः बिनती याले ची परमेसर लोः मेल-जोलोअपे।

ख्रीस्त जामेकु लःअय निआँ लःअय गोएःग नेनाय, ची जे होड़ जिवीडोआकु, हुंकू नहाअः तरअः अपन लःअय आलकु जिवीःड कोअ, बकिर हुंकू ईसु लःअय जिविडोअकु जे हुंकू लःअय गोएःग नाय फिन जिवीःड-बिरिःड नेनाय। हिना लःअय आले नहाअः तरअः जाहें के होः दुनिया रेनअः नजाईर रे काले नेल कुआ। आले ख्रीस्त के पहिल दुनिया रेनअः नजाईर रे नेल लियाले, बकिर नहाअः दो आले नोकान काले नोकानेआ।

एता लःअय ची ख्रीस्त आला पेरेम आबु रे राईज दाय, हिना लःअय आले समझाआले ची जब ख्रीस्त जामेकु लःअय गोएःग नाय दो, जामे गोएःग तनाबु।