Popular Bible Verses from 1 पतरस 2

Share

बकिर आपे निबाड़ लिनकु बंसवाईर, राजा आली पुरोहितकु आला समाज, पबितर राईज आउर परमेसर आलकु अपन होड़ हेके, जेकर से आपे हुनी आला बड़े-बड़े कामी बखनायपे, जे आपे के अंधार तरअः उडुंग केते हुंकू आला ईंजोत रे राअः आगु लेपेआय।

हुनी अपन होड़ो रे आबु आला पाप के कुरूस रअः काठ रे ईदी लःअय जेकर से ची आबु पाप लःअय गोजोअः बु आउर धरमिकता लःअय जिवीःडोः बु। हुनी आला माईर जोम रे आपे चंगा नेनापे। आपे भेंड़ा लकान छिती-छान ताहीनापे, बकिर नहाअः दो आपे अपन आतमा रिनी चरवाहा आउर हो-होरहोई दुबाःड़े रूवाड़ हीःग नापे।

पहिल रे आपे परजा कापे ताहीना, नहाअः आपे परमेसर आलकु होड़ हेके। आपे पहिल रे दया तरअः बे-दखल ताहिनापे, नहाअः दो आपे किरपा नाम तदापे।

बालेक चेंगा लेकन खांटी आतमिक तोवा लःअय ललाव तहिनपे, जेकर से ची आपे होना दोवासते उधार रे बढ़ाव सेनपे।

ए दुलार बोकोकु, ईङ आपे तरअः गोहराअ तनिङ ची आपे परदेसी आउर होरा डिंडोअः कु हेके लःअय, आपे के कंहड़ीः दिङ ची आपे दुनिया रेनअः खराब अभिलासा तरअः फरक ताहिनपे, जे आतमा तरअः लड़ाआय। एटाअ जाईतकु ताला रे आपे आला चाईल-चकर बेस हुयाअः चाही। जेकर से जे आपे के गुनाहगार लकान कंहड़ी केते निन्दा याकु, हुंकू आपे आला भलाई कामी के नेल केते परमेसर आला हिजोः हिला हुनी आला बड़ाईये कु।

आपे होः जिवीःड टुकू लकान आतमा रेनअः ओड़ाअ बनाव तोरापेआ। नोःआँ लकान आपे पबितर पुरोहितकु आला समाज बनाव जुनोःपे, आउर आतमिक बलिदान रकाःबेपे, जेकर से ईसु ख्रीस्त दोवारा परमेसर लःअय गरहाने लकान हुयाअः।

आपे जामा किसीम रअः बुराई, कपट, डाह, अंदाजी रअः देदेखाव, एटाअः कु आला निन्दा तरअः बंचाव केते तहिनपे।

परभु जिवीःड टुकू हेके, जेके होड़कु बेकार समझाव केते उडुंग लियाकु, बकिर परमेसर आली निबाड़ लिनी, किमती हेके, आपे परभु दुबाःड़े दारापेआ।

आपे आजाद होड़कु लकान चलाःपे बकिर अपन बुराई के उ-ऊकु लःअय अपन आजादी के आलपे आड़ इदी के। बकिर परमेसर आलकु बंधाउवा लकान चलाअः पे।

एता लःअय ची परमेसर आला इकछा एदनाआ ची आपे अपन भलाई काम दोवारा निरबुधिकु होड़ आला नसमझ के सिड़िग्याः ची गुल ताकुपे।