Popular Bible Verses from Yohane 16

Share

<<Ma tawɩ amɩɛ wɩɛ ŋina bɛ, ganaŋkʋ ɩɩ yu wʋsɛfɩɛ ma tɩba. Ɩɩ na awʋrʋfʋɔ dulunya gana naŋ ama n yu digela. Ma di dulunya gaa dʋɔ.>>

Ama gʋ gasiŋteŋ Ɩsʋɔ Feliŋ wʋŋ kɔnɛ na, wʋ a pala amɩɛ asanaŋ ju gasiŋteŋ kpiniŋ naŋ. Wɩɛ ŋii wʋ a tawɩ na ba yɩɛ wʋ tɩŋtɩŋ wʋ teri i, ama wʋ a tawɩ ŋii wʋ nyii na nyiŋeŋ bɛ, na wʋ a tawɩ amɩɛ bʋrʋ gaa gaa kɔŋ.

Mʋ gaa tala saŋa gana, ɩŋ tasɛ ta bʋrʋ ma yɩrɛ naŋ ŋ. N tasɛ ɩɩ yu, na amɩɛ asadi a yɩɛ kʋrʋkʋrʋ.

Ama maa tawɩ sɛ n nyii na dieli sɛ, ŋɩ wɩɛ dieli fa amɩɛ gʋ maa ju na, sɛ ma n ju na, Chɔnarɛ wʋŋ baa kɔŋ amɩɛ jaŋ ŋ. Ama sɛ ma ju na, maa kpiri ɩ amɩɛ jaŋ. Sɛ wʋ kɔnɛ na, wʋ a yela na dulunya a jiŋ gʋ ba di dɩpʋɛ lɩɩna dɩsʋbʋ, chirigi na Ɩsʋɔ dɩpʋɛ fuu dʋɔ.

Dɩmʋŋ sɛ kɩɛna fa amɩɛ gba, dɩtɩɛna ɩɩ wɩɛ bɔtaa naŋ, ama maa ti bɔrɛ na amɩɛ na amɩɛ asa a di, sɛ wʋrʋ baa dɩlɛ lɩɛ amɩɛ asadi lɩɩ amɩɛ jaŋ ŋ. Dɩmʋŋ wɩɩ gana ɩɩ ti tasɛ maŋ bʋrʋ ʋ. Maa tawɩ sɛ n nyii na dieli sɛ bʋrʋkʋma gaa ɩɩ tasɛ ma yɩrɛ naŋ na, Majuo aja fa amɩɛ.

Maa tawɩ sɛ n nyii na dieli sɛ, ɩɩ wii na ɩɩ bɔtaa yela dulunya a di ba asa. Ɩɩ yɩyɩɛ, ama amɩɛ gayɩyɩɛ aja bɩrɩŋsɛ asadi.