Popular Bible Verses from Yohane 15

Share

<<Maŋ n nyina girepi dɩfɩla gaa sɛ amɩɛ n nyina ga gayabɩsɛ. Sɛ wʋkpa chaɩ ma tɩba sɛ maŋ gba ma chaɩ wʋ tɩba na, wʋ a si bie fɔɩ. Ɩŋ kpi ma dʋɔ na ɩɩ dɩlɛ yɩɛ bʋrʋ ʋ.

N cha ma tɩba na maŋ gba maa cha amɩɛ tɩba. Gayabi nyiŋeŋ baa dɩlɛ si bie e, amʋɔ ga wɩɛ daŋ gaa dʋɔ. Amɩɛ gba ɩɩ dɩlɛ si bie e, amʋɔ ɩ chaɩ ma tɩba.

Sɛ ɩ cha ma tɩba sɛ ma wɩɛ chaɩ amɩɛ tɩba na, n tasɛ bʋrʋkʋma gaa ɩɩ jawʋ, ɩɩ yu.

Naa amɩɛ n lɩsɛ maŋ ŋ, ama maŋ n lɩsɛ amɩɛ sɛ ma lɩsɛ amɩɛ sɛ n ju ga si bie, bie ŋii ŋii taŋgɩlɛ. Na Juo wʋŋ a fa amɩɛ bʋrʋkʋma gaa ɩ tasɛ ma yɩrɛ naŋ.

Jawʋ gajanɛ garɛ taŋ sɛ ga kii gʋ wʋrʋ mʋ wʋ nkpa si fa wʋ dɩɛtina a.

Ma gayabi kʋma gaa gaa si bie na, wʋ a wʋŋ ga, sɛ gayabi kʋma gaa gaa si bie na wʋ a kpali ga na gaa yu si bie fɔɩ.

Ma dʋ n nyina sɛ, n ja amɩɛ dɔŋa wɩɛ takɩɛ ganaŋkʋ maa ja amɩɛ wɩɛ na.

Sɛ ɩ si bie fɔɩ na, ŋii kalaa sɛ ɩ yɩɛ ma kpalɛnara. Ŋina aja yela na Majuo a yu jilima.>>

Sɛ Yesu tawɩ wʋ kpalɛnara baa sɛ, <<Maŋ n nyina girepi dɩfɩla tɩŋtɩŋ gaa, sɛ Majuo dʋɔ n nyina fʋɔtɛ wʋŋ.

Wʋkpa wʋŋ wʋ aa cha ma tɩba na, wʋ kɩɛna bɛ takɩɛ gayabi gaa baa mʋ tʋsʋ sɛ ga wʋlʋ na. Baa tɔɔsɩ dɩmʋŋ gayabɩsɛ ŋina na baa lɔ ŋɛ dʋ bʋala naŋ na ŋii ŋɩɛ.

Ma tawɩ amɩɛ wɩɛ ŋina bɛ na ma asadi a cha amɩɛ tɩba, na amɩɛ asadi a taŋ kʋrʋkʋrʋ.

Sɛ ɩ kpaŋ ma mbara dʋɔ na, ɩɩ cha ma jawʋ naŋ takɩɛ ganaŋkʋ ma kpaŋ Majuo mbara dʋɔ sɛ ma cha wʋ jawʋ naŋ na.

Ma dʋ n nyina sɛ n ja dɔŋa wɩɛ.>>

Sɛ ɩ yɩɛ dulunya teri na, gaa ja amɩɛ wɩɛ takɩɛ ga tɩŋtɩŋ ga teri. Na ganaŋkʋ ga kɩɛna, ɩ ba yɩɛ dulunya teri i, maŋ n lɩsɛ amɩɛ lɩɩ dulunya gaa tɩba. Dɩmʋŋ dʋɔ sɛ dulunya a kɔla amɩɛ.