Popular Bible Verses from 'O Roma 7

Share

So ngoioka ge'ena koge'ena. Moteke to ngoi 'ai guata, ngoi tamoteke ma Jo'oungu ma Dutu 'awi besesongo, ma moteke 'ai 'ahu ma sira ma mau, ngoi tamoteke 'o sowono. Posironga totorouoka ngoi ne'ena! Nago'ona 'isilaha 'ai roese ma sigoronaka ne'ena gee 'isi'asa 'o songenika? 'Amalaha ma Jo'oungu ma Dutuka! 'Una womau woisilaha ma ngekomo ma Yesus Kristus.

Ngoi tanako ngoi 'o nyawa biasa, ngoioka kokiawa yaowa-owa. 'Ai du-duaka de ma 'ena ma ngale todiai yaowa-owa, ma kota'akunuwa tosidagi.

Ngoi kotadiaiwa yaowa-owa gee tomau tadiai; so 'ena tadiai 'okia sonaa 'ito-torou gee tooluku tadiai.

Nako ngoi tadiai 'okia sonaa gee toolu-oluku tadiai, ge'ena ma ngale ko ngoiwa tadiai so 'ena 'o sowono gee 'iparetano.

So ma ngekomo 'iodumu ge'ena tasahekau 'okia naga gee 'idadiokau ge'ena la nako ngoi tomau tadiai yaowa-owa, ge'ena ka gee 'o dorou tadiai. To ngoi 'ai singina ma dodaka toduaka ma Jo'oungu ma Dutu 'awi besesongo

Nako ngoi tadiai 'okia naga gee koimakadaenuwa de to ngoi 'ai du-duaka, ge'ena ma ngale ngoi tongaku 'ato 'o besesongo ge'ena yaowa.