Popular Bible Verses from Mateus 7

Share

Agodpa, meginpe aŋ panaŋoi; abezanipa, meginpe aŋ anasiwoi; ititipa, meginpe pasi panaŋoi.

Daŋan i dadon igodime me iŋaleime, i bezaniime me inasiime, ititiime me pasi paniime.

Mewoi daŋan i ŋainag azu e diloŋ denau maidime i tamol kagindaŋan kilian, me i inan ab pat fonlak isaselak.

Mewoi abaŋ daŋan abaŋte tat me tamolpain aŋ donoaŋoi lami ibolime, megin mon aŋ iwoi mai anau. Me kibiaiŋ profet nadin gazek mai inan niŋon.

Dalauan kokoŋ dal sigisog me bas madonenlon ilaime, taitai mon dal me denasidime.

Dalauan kokoŋlon adula. Dalauan ujan dal bebaŋan me pedaleŋlon ilaime, kuzum melon diduladime.

Mewoi aŋ slamilak nami nunumigaz lo abaŋ gauai pinidinnen aloŋ, nami Temami didlon madoime i me ibeleŋanip abaŋ gauaioi digoddime me pinidinoi.

Aŋ so abetenae mon, meginpe aŋ so bitiniaŋoi. Betenaek melon aŋ abetenaeame, melon aŋ mai bitiniaŋoi. Tenaek melon aŋ atenaeme melon tenaep panaŋoi.

Daŋan i ŋainag azu e diloŋdime, ge so denaudime, i tamol gedagad kilian, me i inan ab abuz fonlak isaselak.

Aitoige paŋ nenamun oina tai inan malanlon dab paniume, ge bag oina malalon ienime dab so paniume? Oina tai paiume, Mademap, paŋ nenamun malalon ienime ŋukudewoi, ge sibe oina malalon bag ienime?

Profet sekaukoi amazazpa amado, i me belelek tinin inan kagin moklon aŋ ziminen disodime, ge ladinlon i wolf egin liwodin gisigasime. Nadin niŋonlon aŋ i aloŋoi. Faiaglak wain damu tat diŋaldime, tea, biab duzdaŋanlon guzab tat diŋaldime?

Megin mon ja gauai dadon niŋon gauai inauime, ge ja salan me niŋon salan inauime.

Ja gauai niŋon salan inaunen tea, ja salan mai niŋon gauai inaunen tea.

Ja dadon me niŋon gauai so inauime me detazep ja malanlon desezanewoi.