Popular Bible Verses from Mateus 6

Share

Malanmalan aŋ Anut kaginoi, inan taoz niŋon mai mon jaeŋ sufutanaŋpa atozoi, meginpe aŋ abaŋ aenta mai aŋalewoi.

Mewoi boŋanipoi jaeŋ so sufutanaŋpa amade mon, boŋanip i siben inan jaeŋ sufutanek ŋalewoi. Nal ta inan salan idumap me nal mewoi iduse.

Mewoi ŋa aŋ ŋepaiaŋ, aŋ nami madoknenoi jaeŋ so sufutanaŋoi, abaŋte aniwoi, abaŋte miliwoi, tinimioi mai aŋ abaŋte unulawoi. Tinin inan bas me anaŋ so beleŋaniime tat, tinin mai jamel so beleŋaniime?

Tea, o godoanimap, galuŋ ilonnen udulap funatip, oina Tama kukumlon madoime i maip godoani. Oina Tama kukumlon nasiime i o naon panowoi.

Mewoi aŋ egin egodoaniwoi: Amnama Mam, o didlon madoume, oina nea gun inauwoi. Oina kagin idu isowoi. Oina aua mon uzi paniwoi, didlon egin, megin tanlak mai.

Amnama anaŋ nalnen gazomnen o am penamape.

Amnama aupasek paze idupe, am me nadin maip lama padalime, i am donoama alan.

Am kibianeklon so duzuma mon, ge abaŋ salanlon titiziama ŋiliama.

Aŋ tamolpain nadin pezebedanek apaze idumap, nami didnen Temami aŋnami mai paze iduwoi.

Ma did paenlon adeleŋanape, i abaŋ so depaedime, so dezabedime, badlon so didizdime, ge nami didnen Temami futuaime. Aŋ i kin gauz so abeleŋanaame?

Aŋ tanlak jes bageunen so anau mon, aben kelelamud abaŋ janiime, ponauoi mai abaŋ debeleaep ponau diabidime. Tea, didlon jes bageunen anau, men kelelamud abaŋ so janiime, ponauoi mai abaŋ so debeleaep ponau diabidime. Aben oina jes ienime, melak oina bube mai ienoi.

Tata gaten azugen biadin palunen so iloŋ. I ta zezeŋanimap ta ilon paniwoi, teatap i tawoi imatoi, ta meselaniwoi. Aŋ Anut tan biauŋ mai biadin apalunen tea.

Ge Anut i fatu inan biab me gazomnen diendime, ge boŋanip saplon detanidime, megin nule panimap, i me nenazip aŋ mai jamel nula panaŋoi, o gadon, lamilon maliknen mitin aŋ.

Tea, o lo abaŋ unaumap oina nima ŋas oina nima waŋ abaŋ inauime so iloŋoi. Meginpe oina lo abaŋ kukumlon unauwoi. Oina Tama kukumlon nasiime i naon panowoi.

Dab anau, nami nauknauk tamolpain denasinenoi noadinnen so anau mon. Dab so anaumap aŋnami didnen Temami izinnen naon teaboi.

Aŋ udimap aŋ malabiabgaz egin so anauwoi, i noadin mimio, i dudig demadodime me tamolpain dab depaniwoi noadin buliime. Malik ŋepaiaŋ, i nadin naon mug deŋale. Ge o, o udip mademap oina gate gazeŋlon bubunip nao flanip, o udig madoume me tamolpain so denasiwoi. Tea, Tama melabublon madoime i nasiwoi, meginpe oina Tama me melabublon nasiime i niŋon o panowoi.