Popular Bible Verses from Mateus 5

Share

Lamp debanip kunup paenlon mai so denaudime, tea, madud fonlak, meginpe ablon demadodime i daŋan lelaman pinidinime. Megin mon nami sul tamolpain noadinnen sepetadep i aŋnami nauknauk gauai denasip nami Temami didlon biŋan dibisawoi.

Aŋ tan e inan sul. Panu did gomunlak ienime me kukumnen tea.

Putudin isap me i bubudin ikoklak, i Anut denasiwoi.

Putudin isap me i taoz madonenoi pitol ifuime, jaeŋ sufutana maiime, i loadin didiwoi.

Ge ŋa aŋ ŋepaiaŋ, Nami agez lami ipinidin, i aŋ demeselanaŋdime i ikibinia, azu salaŋ depaiaŋdime, diŋiliaŋ duzaŋ maidime iwoi aŋ agodoi

Putudin isap me ladin waizlak, didnen kagin me inadin.

Putudin isap me i siai depasidime, i Anut nanunai deblanawoi.

Putudin isap me i ladin alanlak, i ladin ŋalewoi.

Putudin isap ta me i taozoi diŋal duzdime, didnen kagin me inadin.

Putudin isap me i ta ladin depanidime, i ilon pinidinoi.

Aŋ putumi isawoi i ŋawoi aŋ dizami dewaitap, aŋ diŋiliaŋ duzaŋtap, aŋoi abaŋ salan ibeniben ŋawoi desepalep diboltap. Jumi isap gauz mok zigiaŋpa, nami naon didlon ujanlakoi. Megin i wagam profetgaz dimugge demadelak mai diŋal duzlak.

Putudin isap me i ibin didug demadodime, iwoi panupanuwain diboloi.

Aŋ tan e inan mastaen. Ge mas inan gamun padal ilemap, abaŋtelon faun te bulip inan zagun ŋalewoi? Mug abaŋ tawoi gauai tea, tea, se desezanep ilap tamolpain dipiziŋiniwoi.

Mewoi aŋ tezepasaŋpa amadowoi, aŋnami Temami didlon tezepasig madoime egin.

Tea, azu me mon, Au, au, Tea, tea, azu ta e beleŋaniime me fun salan.

Aŋ aloŋ i get dibollak, Malan naon me malan, liwon naon me liwon. Ge ŋa aŋ ŋepaiaŋ, Tamol salan so piziani mon. Tea, it tat o wala waŋlon funoime, aenta mai naup pani.

Oina mala waŋlon auupastap o tuep tanip ila, oina tini boi ta padaltap me gauai, meginpe tini daŋan Hadeslon so sezanep ilawoi. Oina nima waŋ i nuog auupasume, o gusutip tanip ila, oina tini boi ta padaltap me gauai, meginpe tini daŋan Hadeslon so sezanep ilawoi.