Popular Bible Verses from Hebrea 12

Share

Mewoilakoi sigianek kuzum timtaen egin digiliŋinaddime, id abaŋ muzuan daŋan aupasek me id poad maiime tepasip segatekdaŋan paluk betenaek idoi ienime melon tepaluwoi, Jesus, idinad ilonlon maliknen fun tezepasekkamaŋ mai, i tedaŋewoi. I zigiek iwoi sagen inaulak mewoi jakebazeklak segatig imade, abaŋ alan inan mamai dab so ipanig i Anut inan pezatiu tinin waŋlon matalmeg madoime.

Pututek daŋan me inan saenlon izoznendaŋan, gamun tea, ge uzip i me melon detenanoumeg ditozlak iwoi taoz inan niŋon mazozdaŋan inaug itasaime.

Tamolai daŋan maip mazozdaŋan amadowoi jaeŋjaeŋ atoz, gun noaŋnenoi mai jaeŋ funaŋoi, me teamap tata Ujanzen so nasiwoi.

I aupasekbibiadingaz iwoi wagai gauz denaug liwon diabimeg i segatig madelak me lami agazepe, meginpe aŋ tiwomi so tazep bodo aboloi.

Kiŋdom nininen tealak me panadlakoi mewoi id Anut pez tepaniwoi, i gamun funilak megin i naonnen tatasap ubou tenasiwoi, tagodoi, binek iduklon, tazutnenlon mai.

Aŋ kagin peteŋanaŋnenoi alan nauklon asegatiwoi. Anut aŋ inan nanungaz mok egin kibiniaŋime. Au, it tat madoime me inan taman i so bebaniime?

Inad Anut i naneknen ja mok.

Tannen tamadgaz santa mon ladin ibolge kin pututadlak, ge Anut i gauai temadowoi pututadime, meginpe id inan gun niŋon mai teŋalewoi.

Aŋ aupasek mai bulebulemeg nami zoiklon daz ta kin get so idu.