Popular Bible Verses from Hebrea 11

Share

Ilonlon maliknen me kaginoi suzuazouklon sililip madonen, abaŋ naseknen tea mewoi buben zatamoi. Melon Anut tamol ta wagam demadelak, Gauai anauame e pidin.

Ilon maliknen tealon tata Anut gamun funinen tea. Tata Anut izinnen ilawoipa i Anut malik madoime me ilonlon malikoi, i tamolai me i debezanidime naon pinidinime.

Ilonlon maliknenlon id taloŋ tan abaŋ Anut azulon inaulak, abaŋ id tenasitame me fun beŋten tealon ditaselak.

Ilonlon maliknenlon Abraham dagom itoz, Anut i wagig fatu ta i fuzan paniwoi ibol. Men ilawoi ibolge i ile, domten tat ilawoi me so iloŋ. Ilonlon maliknenlon i blani panek inan fatulon itoz, fatu baslon Isak Jakob maig tazaslon mon demade, i mai blani panek taimon me mon fuzan ŋalekwain.

Ilonlon maliknenlon Anut Noa abaŋ i so nasiime mewoi ipaig i dab panig wag ta ipau, inan ab samungaz tataz iŋalnen. Melon i tealakgaz bitiniag meselana; taoz ilonlon maliknenlon itasaime me inan fuzan ŋaleknen i inaulak.

Ilonlon maliknenlon Anut Henok iŋaleg mitian ile; i mateŋ so uniwoi, faun so denasilak, Anut i ŋalelakoi. Ge so iŋalemeg Anut gamun funilak iwoi sigianek ien.

Ilonlon malkinenlon Abel inan janauk Kain inan nenazig Anut gamun funi. Mewoi Anut ibol i taoz, Abel nan lo abaŋ dab panimeg siben iwoi sigianilak. I imatlak, ge ilonlon maliknenlon gazo mai azu ibolime.

Sara inan ai inaunen saen get binilak, ge ilonlon maliknenlon ai duzinen tiwon iŋale, i ibol, Anut i ai blani panilak me buben malikdaŋan.

I panu foddaŋan menenoi dalel, panu Anut siben ŋalelak, siben funlak me.

Ilonlon maliknenlon Moses itubge tamol inaug i Farao inan nanunpain inan ai e dibolnen me imoi, i Anut inan tamolpain mai alan denaunen me ipiliani, aupasek inan zigiek me pasak biniimelakoi. I ilon ibol Kristusoi alan inaunen me Egipta inan filian nenaziime, i kagin naon malan inaulakoi. Ilonlon maliknenlon i Egipta binig ile, i kiŋ inan buzunoi so izez, i me tenasinen so taloŋlak me nasimeg egin segatekdaŋan imade.

Ilonlon maliknenlon Abraham kibianimeg Isak ja inaug pani, i me blani panek iŋalelak i inan ai taimon ja inaunen so imoi.

Ilonlon maliknenlon Rahab, jaitpain, i dagom tealakgaz mai so depadal, i kibianektamoloi lo idulakoi.

Ilonlon maliknenlon tamolai Mas Dazan dedaia tan kazaklak egin, ge Egiptagaz i megin denauwoige idid pasi.

Ilonlon maliknenlon Jeriko panu inan mad, nal 7 ditilianilag ibal idu.

Ilonlon maliknenlon i Pasa inaulak, meginpe ai matumatu nadin eŋel wagaz i Israelgaz so ijab iloi.

Ilonlon maliknenlon Josef inan saen wadanlon Israel dimul dilanenoi ibolge siben inan dogoi kibiai pinidin.

Ilonlon maliknenlon Jakob kabu gatenlak aen sig inauge godoani, Josef inan ai dadodado baz pinidin.

Ilonlon maliknenlon Isak baz loantapnenoi Jakob Esau maiwoi igod.