Popular Bible Verses from Kolosai 3

Share

nugnug dadom apanip ta i tawoi peneŋanekdaŋantap aŋ nugnug nami aupasek paze iduwoi. Ujanzen nami aupasek paze idulak egin, megin aenta nadin mai apaze idu.

Abaŋ latnen ienime mewoi kankan, tanlak ienime mewoi tea.

Abaŋte ta anautap me bubumi gamunlon anau, Ujanzenoi egin, tamoloi tea.

Mewoi aŋ Anut inan pilianekgaz, gun bubeggaz mai, aŋ me unulawoi, teŋaemi alannen, lo adunen, bini adunen, bodo abolnen, lamilon nasinasip atoznen

Aŋ nug kagin peteŋanipeteŋanip, tansaek mai nug panipanip Israel kanam, kanam ta dug mai abip bubumidaŋan Anut pez apanimap Kristus inan azu kaginkagindaŋan aŋlon kuzumpa ienoi. Abaŋ anauame azulon uzatlon tat, me daŋan Ujanzen Jesus neanlon anau, i‐lon Mam Anut pez apani!

Abaŋ e daŋanlon malanmalan aŋ ilopanek unula, me kagin daŋan tebazep dadon isa taimonoi.

Aŋ Kristus maig tiziautap aŋ abaŋ latnen Kristus Anut waŋlon madoime me abezani.

Kristus inan mazoz nami bubmilon gaten inauwoi, mewoi aŋ tinin taimonlon wigiaŋlak. Aŋ Anut pez apani.

Lami boi tanlak diendime me afup dimatoi, ŋan jait, nun, kagin salan mih abol anaunen, melami isinen, bulases, me tibud ta dab paninen.

Aŋ amat pasilak, me Kristus maig Anutlon melabubge amadoame.

Ge gazomnen abaŋ me daŋan apaspa, buzun, bube wonanan, kagin salan, dizawaik, auamilon azu salan mok mai.

Nug azu sekauk so paipai mon, aŋ tamol tibun, inan nauknauk mai get apasilakoi. Faun me nule panaŋoi, me iloŋnenlon faun inau mugime, inan Fun walislon.

Aŋ tamolgaz, nami pain lami ipinidinoi, iwoi so imimio mon.

Aŋ aikamogaz, nami tinami temami abaŋ daŋanlon dagom ipinidin, me Ujanzen gamun funiimelakoi.

Aŋ paingaz, nami tamol peadinlon amado, Ujanzenlon iduselak egin.