Popular Bible Verses from Matie 6

Share

Ŋ'ɛ̃kwel kɛn, ebii Okwɛn o Nziã ye m'edzii ndɛ, ke mbee oŋɔ̃ ndɛ awa byɛ bvi esiil.

Obobɔ, ebee nguo okɛɛ me ndɔɔ ɔ̃suu, ke ngwel wɛ ɔ̃suu àkɛɛ nguo me ndɔɔ a ndyam. Tsoo bwɛn a tsoo eli y'ãmpal m'ãkoo me ndɔɔ a lɔ.»

Yeso bvool olieel ndiri: «Obɔ otsɛn bɛn mɛ̃ eyɛɛn byɛ wɛn, me ndɔɔ elaã e byɛ, ebee nguo okɛɛ me bvi èdza byɛ, wuo bvi enywã byɛ. Me ndɔɔ a nzuru a byɛ, ebee nguo okɛɛ me bvi èlaal byɛ. Elaã e byɛ k'enduru bvi-odza m'ɔ̃bvɛn wɛ, nzuru a byɛ hɛ̃ k'enduru ekɔ m'ɔ̃bvɛn wɛ?

Kɛn a yɛ, ŋ’eboobuɛɛn yɛ, sam bam onse ngwel-a-nzɔ, kuru ɔ̃nywa a yɔ, kwɛn yɛ buɛɛn Tal a yɛ wu oli oŋɔ̃ m’edziɔɔn. Obobɔ, Tal a yɛ wu amwɛn m’ãbwel m’edziɔɔn, àwa yɛ ebva-kab.»

Yeso bvool olieel ndiri: «Obobɔ, etal emfa ki ebuɛɛn byɛ: “Tal a bee wu oli ke ywel, yɔɔl nkuũ a yɛ ekal ye nsia, yɔɔl Okwɛn o yɛ oya, yɔɔl kwɛn asa b’edzii yɛ me nsie, onge b’asa bɔ ke ywel.

Wa bee nonɔ̃ bvi-odza bvi tsoo bwɛn a tsoo.

Dzeel ãbi ã bee, onge b'edzeel bee hɛ̃ baal b'asi bee obi.

Oyɛɛ ke yɔɔl kwɛn bee ebva m'ɔ̃mbio wɛ, kɛn a bvuul bee me mviɔɔl mi ɔ̃pfu. [Ke ngwel wɛ omfam ye waan ye lweel eli bvi yɛ ɔ̃bu. Amɛn.]”

Ke ngwel wɛ, okɛɛn byɛ edzeel baal b’asa byɛ obi, Tal a byɛ wa ke ywel àdzeel ãbi ã byɛ hɛ̃.

Etal anywɛn: Bɔ k'akwɛn wɛ, bɔ hɛ̃ k'atsam wɛ, bɔ k'ali y'ãmboo m'akwɛɛ nsia wɛ. Kɛn a Tal a byɛ wa ke ywel abeliil bɔ. Byɛ k'enduru bɔ me dzuun wɛ?

Yeso bvool olieel ndiri: «Ebee opfel me nsie obvool. Me nsie ŋã, asieel adza bɔ, bɔ oburu nkoo, baal a pfuul abwel ãnzɔ me ndɔɔ yi ayeturu bɔ. Ebvool opfel kɛn a ke ywel. Okɔ, asieel k'akoo k'adza bɔ wɛ, bɔ k'oburu nkoo wɛ, baal a pfuul k'akoo k'abwel ãnzɔ me ndɔɔ yi ayeturu bɔ wɛ. Ke ngwel wɛ, mboo yi eli opfel o yɛ, ɔ̃kwal a yɛ hɛ̃ àkal okɔ.»

Yeso bvool olieel ndiri: «Ɔ̃nkyal ngɔmɔ̃ k'akoo m'okal m'amfam buaal wɛ: Okɛɛn ndɛ abyal ngɔmɔ̃, ndɛ àdzii wukyɛ, okɛɛn ndɛ akuru nzuru me ngɔmɔ̃, ndɛ àfiɛɛn wukyɛ. Okɛɛn byɛ eli ankyal a Nzi, byɛ k'ekoo k'esal me ndɔɔ a Nziã wɛ.»

Bviĩ bvɛn nonɔ̃ ŋã eli, ɔ̃suu atsiil, atyel onse mbaa. Okɛɛn Nziã alaal bvɛ m'emfa okyɛ, oŋɔ̃ b'ekwɛɛn ndɛ olaal byɛ, baal b'okiool otsi-tsiri!

Kɛn a yɛ, ŋ’ewa kuɔɔl e yɛ ki elam ɔ̃ywal eluɔ, ywɔɔl kwɛn kuɔɔl e yɛ ki ekal ebee oyɛɛ. M’emfa okyɛ, ebvaan kwɛn kab e yɛ olɔ ekal m’odziɔɔn. Obobɔ, Tal a yɛ wu abemwɛn m’ãbwel m’edziɔɔn, àbveel yɛ kab olɔ.»

Yeso bvool olieel ndiri: «Ekal y’onkyab bɛn ŋ'esa byɛ ãndɔɔ m'ãli dzu ke nkwel a baal, ebee okal me ndɔɔ yɛn bɔ atal byɛ. Okɛɛn k'obobɔ wɛ, byɛ k'ekoo k'ebɔɔ ebvakab ola Tal a byɛ wa ke ywel wɛ.

Yeso bvool olieel ndiri: «Byɛ eboosa ãbuɛɛn mã me nzal, ãsu ã byɛ ãbee ãwua-ãwua okal, onge b'ebesa baal a pfuru: Bɔ abesuul ãsu fel-fefel, kwɛn baal bueel ayɛɛ kwɛn bɔ aboosa ãbuɛɛn mã me nzal. Taa-taa bam, mɛ̃ eyɛɛn byɛ wɛn, bɔ ŋ'amaabɔɔ ebva-kab ki bɔ. Kɛn a yɛ, ŋ’eboosa yɛ ãbuɛɛn mã me nzal, suɔɔl osu o yɛ, kel ãnasi m'ɔ̃tswɛ a yɛ. M’emfa okyɛ, yɛ k'àsuo baal kwɛn yɛ abesa ãbuɛɛn mã me nzal wɛ, yɛ àsuo kɛn a Tal a yɛ wu oli oŋɔ̃ m’odziɔɔn. Obobɔ, Tal a yɛ wu amwɛn m’ãbebwel m’edziɔɔn, àwa yɛ ebva-kab.»