Popular Bible Verses from Matie 7

Share

Yeso bvool olieel ndiri: «Ebesɔɔ, àwa byɛ. Ebebii, byɛ èbɔɔ. Ebebɛɛl nzɔ, àdzweel byɛ yɔ.

Ke ngwel wɛ, mbuul wu abesɔɔ abeyɔɔ. Mbuul wu abebii abebɔɔ. Mbuul wu abebɛɛl nzɔ abedzweel ndɛ yɔ.

Yeso bvool olieel ndiri: «Obɔ otsɛn bɛn, mbuul wu oyoo ãyɛɛn me ngyɛɛn mɛ̃, bvool osi mɔ̃, ndɛ àkal onge mbuul nga-ãyal wu otuu nzɔ a ndɛ nkal a nkɔɔn.

Yeso bvool olieel ndiri: «Ãndɔɔ mbueel m'edzii byɛ kwɛn bakyɛ asa me ndɔɔ a byɛ, byɛ hɛ̃ esa mɔ̃ me ndɔɔ a bɔ: Omɔ̃ ãndɔɔ m’etam Ngel a Moyize y’ɛ̃nkaan mi aliaal-ɛ̃kiɛɛn a Nziã osa.»

Kɛn ɔ̃nywa a nzɔ wu abiri baal k'elaã oli wu ɔ̃tsi-ɔ̃tsi, nkuul yi ayi okɔ hɛ̃ eli yi ntsi-ntsiri. B'abɔɔ yɔ k'ali bibi wɛ.»

Yeso bvool olieel ndiri: «Esam m'ɔ̃nywã a nzɔ wu ɔ̃tsi-ɔ̃tsi. Ke ngwel wɛ ɔ̃nywa a nzɔ wu abiri baal k'epfu oli wu ɔ̃nɛn, nkuul yi ayi okɔ hɛ̃ eli yi nɛn. B'anɔɔn a yɔ ali bibi.

Obobɔ, okɛɛn byɛ b'eli bam abi-abi eyɛɛ k'ewa baan a byɛ eluɔ bvi ngesɛ, oŋɔ̃ Tal a byɛ wa ke ywel wu akwɛɛn k'awa eluɔ bvi ngesɛ ola baal b'asɔɔ bvɛ ola ndɛ!»

Yeso bvool olieel ndiri: «Ebee ãndɔɔ ã bakyɛ otsiil, kwɛn oŋɔ̃ hɛ̃ abee mã byɛ otsiil. Ke ngwel wɛ, àtsiil ãndɔɔ ã byɛ onge b'ebetsiil byɛ mã bakyɛ, àmvɛɛl ãndɔɔ ã byɛ m'emvɛɛl li ebemvɛɛl byɛ mã bakyɛ.

Kɛn a mbuul wu oyoo ãyɛɛn me ngyɛɛn mɛ̃, bvool k'asi mɔ̃ wɛ, àkal onge mbuul wu ewool wu otuu nzɔ a ndɛ nkal a nsie ntu, k'abɛɛn yɔ otuu nkal a nkɔɔn wɛ.

Ndɔɔ mã yi emwɛn yɛ efeel ki eli onse dziil e muaan-ngoo a yɛ, kɛn a yɛ k'amwɛn epaal ki ekwii ki eli onse dziil e yam wɛ? Emfa emã kyɛn yɛ koo k'ayɛɛn muaan-ngoo a yɛ wɛn: “Muaan-ngoo, sa mɛ̃ mbaal yɛ efeel ki eli onse dziil e yɛ”, kwɛn ŋɛn yɛ li y'epaal ki ekwii onse dziil e yam?

Yeso bvool olieel ndiri: «Ekyab m'aliaal-ɛ̃kiɛɛn a mfya. Bɔ aya ola byɛ m’emfa bvi emɛmɛɛ̃. Kɛn a onse ɛ̃kwal, bɔ ali anyam a mpuru. Byɛ ekieel eyɛɛ bɔ m'ɛ̃sal ɛ̃ bɔ. Byɛ ekoo k'eka nsia e bvine m'ɔ̃ti wu ãnsiɛɛn? Wuo byɛ ekoo k'eka nsia e fig m'ɔ̃ti wu ãnsiɛɛn ɔ̃kyam?

Ɔ̃ti wa ngesɛ aburu nsia yi ngesɛ. Ɔ̃ti wu ɔ̃bi-ɔ̃bi hɛ̃ aburu nsia yi mbi-mbi.

Ɔ̃ti wa ngesɛ k'aburu nsia yi mbi-mbi wɛ. Ɔ̃ti wa y'oluu hɛ̃ k'aburu nsia yi ngesɛ wɛ.

Ɔ̃ti ndyam wueel wɛn k'aburu nsia yi mvɛ wɛ, àkii ndɛ, bvool àtyal ndɛ onse mbaa.