Popular Bible Verses from Matie 5

Share

Andɛɛl mbunda, k'akoo k'apfeel ndɛ kantin wɛ, kɛn andɔɔl ndɛ nkal eluɔ ki abesuul ndɛ, kwɛn ndɛ angal me ndɔɔ a baal bueel b'ali onse nzɔ. Emfa kiki, yɔɔl kwɛn mwiĩ a byɛ angal ke nkwel a baal, kwɛn oŋɔ̃ bɔ amwɛn ɛ̃sal ɛ̃ byɛ mi ngesɛ, bvool alweel Tal a byɛ wu oli ke ywel.»

Byɛ, byɛ eli mwiĩ a ɔ̃kiri. Ola b'atuu nkal a nkio k'okoo k'okal m'odziɔɔn wɛ.

Esɛ ngamfɛn, ola baal b'ali ɛ̃kwal tsɛtsɛ, ke ngwel wɛ bɔ akieel amwɛn Nziã!

Esɛ ngamfɛn, ola baal b'ali ye nzal ye nzuaal yi asa ãndɔɔ mã dzu, ke ngwel wɛ bɔ akieel ayool!

Kɛn a mɛ̃, mɛ̃ eyɛɛn byɛ wɛn, edzii ataal a byɛ. Ebuɛɛn me ndɔɔ a b'atuaal byɛ mpal.

«Esɛ ngamfɛn, ola baal b'ali aywal m'ãndɔɔ m'ɔ̃fel, ke ngwel wɛ Okwɛn o ywel oli bo bɔ!

Esɛ ngamfɛn, ola baal b'asa kwɛn opi okal onse baal, ke ngwel wɛ akieel ata bɔ me baan a Nziã!

Esɛ ngamfɛn, ola baal b'abelel, ke ngwel wɛ, Nziã akieel abweel bɔ!

Esɛ ngamfɛn, ola baal bɛn abetuaal bɔ mpal me ndɔɔ yɛn bɔ asa ãndɔɔ mã dzu, ke ngwel wɛ, Okwɛn o ywel okieel okal bo bɔ!

Esɛ ngamfɛn, ola baal b'asio baal nyiĩ, ke ngwel wɛ Nziã akieel asio bɔ nyiĩ!

Esɛ ngamfɛn ola byɛ, ŋɛn baal abetoo byɛ ɛ̃tswɛ, abetuaal byɛ mpal bvool abeburu byɛ ãndɔɔ m'emfa bvieel, me ndɔɔ a mɛ̃. Esia mpal, bvool edzɔɔl m'esɛ, me ndɔɔ yɛn, Nziã okwee byɛ ebvakab ki enɛn ke ywel. Ke ngwel wɛ, ási aliaal-ɛ̃kiɛɛn a Nziã b'átsɔɔn nkwel a byɛ abubu.»

Esɛ ngamfɛn, ola baal b'ali y'ɔ̃kwal-efyɛ, ke ngwel wɛ bɔ akieel abɔɔ nsie yi élieel Nziã ndiri awa bɔ!

Yeso bvool olieel ndiri: «Byɛ, byɛ eli ɔ̃ngwa wu ɔ̃kiri. Kɛn ɔ̃ngwa okɛɛn oyii wel, emfa emã ki abveel obvie o ndɛ? Ndɛ ŋ'ayii ɔ̃sal pyɛ, esiil kɛn a k'ata ndɛ pfɛɛ ke nkwel-a-nzi, kwɛn baal adziaal ndɛ.

Oŋɔ̃ ekal ɔ̃koo, onge Tal a byɛ wa ke ywel wu oli ɔ̃koo.»

Eyɛɛn kɛn a wɛn “hɛɛ̃” okɛɛn hɛɛ̃, wuo wɛn “hɛɛ̃-hɛ̃”, okɛɛn hɛɛ̃-hɛ̃. Ke ngwel wɛ, ndɔɔ yi abelweel ebefa ola Nga-ãyal ãbi.»

Yeso bvool olieel ndiri: «Byɛ eyoo k'álieel ndiri: “Okɛɛn mbuul obwel yɛ dziil, yɛ hɛ̃ bwel li ndɛ”, bvool ndiri “okɛɛn mbuul ombaal yɛ dziin, yɛ hɛ̃ mbaal li ndɛ.” Kɛn a mɛ̃, mɛ̃ eyɛɛn byɛ wɛn: Okɛɛn mbuul osi byɛ obi, ebee ndɛ bɔ obveel. Ŋɛn mbuul obɛɛl yɛ empal me bal li elam, kaal ndɛ hɛ̃ bal li ekal.

Obobɔ, okɛɛn dziil e yɛ li elam ebiri yɛ onse obi, mbaal lɔ, ta lɔ pfɛɛ lala ye yɛ. Ke ngwel wɛ, eli ngesɛ me ndɔɔ a yɛ k'aywɛn a elyam e nzuru ngemɔ̃, ye k'atyal nzuru a yɛ yam yueel onse ywɛn e mbaa. Okɛɛn kuɔɔl e yɛ ki elam ebal yɛ onse obi, tsiil kyɛ, ta kyɛ pfɛɛ lala ye yɛ. Ke ngwel wɛ, eli ngesɛ me ndɔɔ a yɛ k'aywɛn a elyam e nzuru ngemɔ̃, ye k'atyal nzuru a yɛ yam yueel onse ywɛn e mbaa.»