Popular Bible Verses from मती 28

Share

इनाते सिनुःपे अरो सुबिन जाइतकु के इञ रेन चेला बायकुपे। अरो उनकु के आबा, होपोन हेरेल, अरो पबितर रावा रआ लुतूम एते बतिसमा एमाकुपे। इञ अपे के जे-जे हुकूम एम एकावाःपिञ, उना सुबिन रे सेसेन कथिर उनकु के सिखाव कुपे। अरो ओयहर दोहोयपे चि नुवां दुनिया रआ मुडूः तक सोबदिन इञ अपे लोः हेनाञा।”

अरो ईसु ता उनकु ठिनुः सेन केते मेताःकुवाय, “सोवाराग अरो ओते रआ सुबिन हक इञ के सोंपाव एकावादेञाय।

तोब सोवारागदूत ता उनकु एरा के मेताःकुवाय, “ओलोपे बोरोया, इञ सारीइ कनिञ चि अपे ईसु के दंड़ाय कनापे जेके कुरुस रे रकाप लेदेयाकु। उनी नोन्डो बनुः इचाय, मुदा अपन बचन रआ मोताबिक जुवेत बिरीत एकानाय; हिजुःपे उना ठांव नेलपे, जे ठिनुः ईसु के दोहो लेदेयाकु।

तोब ईसु ता उनकिन के मेताःकिनाय, “ओलोबेन बोरोया, इञ रेन बोयहाकु ठिनुः सिनुःबेन, अरो उनकु के मेताकुबेन चि उनकु गलील सिनुः अकु, उनकु एंडेगी इञ के नेलेञाकु”।

तोब उनकु ता जहुदी मुधकु एते नपाम केते मियाः जोजना बायेताकु। उनकु ता सिपाहिकु के बेचोट एते धन एम केते गाम वाःकुवाकु चि अपे के नुवां गागाम हेनाःआं चि ईसु के चेलाकु तेः निदा हेच्‍चेनाकु अरो जोब आले गितीच केनाले इमिताः गी लास तके कुमरु इदी एदेयाकु। जदि अपे रआ गानाम राजपाल तक तेबाः रेदो आले उनी के सोमझाव केयाले अरो अपे रे जहन आंच काले हेच इरीवाःआ। पहरा एएम वनकु ता टका लेयकेते इनका गी गाम्‍मेताकु, जे उनकु के उदुःवाःकु केनाकु। अरो नुवां गानाम जहुदिकु रे तिहिञ तक इना लेका गी फयलाव एकाना।