Popular Bible Verses from GEN 26

Share

"Egete hõhõ eitu itsomi, akeha egei uinhümingo hekite gehale leha eitsomi eüilüingo uheke. Tatute gehale ige ngongo tunümingo uheke ehigükuẽgükope inha. Egea leha ukipügüpe upehe gele tüilüingo uheke oũü inha, Apagahãu inhaha.

Kaküngi leha ehigükuẽgükope tüilüingo uheke, inhalü tsüma igükilükoingoi eheke, inke tsapa inhalüha anginitsei kandinhoko kahü alü igükinitsei, tatute gehaleha ige ngongohongoko tunümingo uheke inhani. Hekite leha tatute kitagü tuhugu ngongohongoko tüilüingo uheke ehigükuẽgükope anügü atehe. Apagahãu hekeha uikenitühügü atehe, ukipügü tüipügü ateheha iheke. Kinhakongondühügü tüipügü tuhugu atehe gehale iheke uheke, uügühütu engagü tüipügü atehe tuhugu gehale iheke, unginguhetoho engagü tüipügü atehe tuhugu gehale iheke", Egea leha Deusu kitagü Isaki heke.

Isaki etimokilü leha titalüpenginhe telopeha tuã ngagü kilü gehale iheke, inhalü leha hüle tita tuã ngagü hinhe ilüi. Üle ateheha ititü tüilü leha iheke Heobotei. Nügüha iheke: "KUKANETÜGÜ heke naha igei kukituko ngongo tunügü tsekegüi kukatsohokoiha itsomi kukepünetokomiha.

KUKANETÜGÜ apakilüha Isaki inha, nügüha iheke: "Ketengeha Ejituna; ngongo ihanümingoha egei uheke egitundetohoi", nügüha iheke.

Tita leha Isaki heke leha tehu undagitsepügü tüilü Deusu akatsohoi, hekite leha nügü iheke KUKANETÜGÜ heke aitügijüi. Tita leha tuãko iluĩtsilü ihekeni inhingokuguko heke leha tuã ngagü kilü.