Popular Bible Verses from GEN 25

Share

KUKANETÜGÜ kilüha iheke: "Takongokoha elimo etehualüpe inhümingo leha takikongo itagüi, aetsingo inhümingo leha aitsükü tinhaheni otohongo heke, takikongoha tankginhükoingo etehualüpenginhe agakenünkgoingo leha ilainha; ihinhano inhümingo leha tühisü ahüta", KUKANETÜGÜ kilü leha Hebeka heke.

ülepei nügü iheke: "Tagi heke kutale igei uhüngetagü. Uinha unkgutale eilagü tükahisinhü engunkge", nügüha iheke Jako heke. Üle ateheha ülepene leha ukugeko heke Esau itanügü Edõi.

Hebekaha uãke ekisei tünohandimbüngüpe, üle ateheha Isaki itaginhu KUKANETÜGÜ inha ahetinhombatomi iheke ihitsü nohandomi. KUKANETÜGÜ heke leha Isaki kipügü itüjü, ülepei leha Hebeka nohanügü.

Ülepeiha Esau kilü: "Aingotsaha egei. Tagi heke ekugu igei uetagü. Inhalü muke naha hotugui apaju mugui uanügü heke uahetinhombalüingotsei", nügü leha iheke. Üle hata geleha Jako kilü aitsükü: "Hotuguiha kitse Deusu imbata egea ekitoho tüilüingo heke uinha, apa mugu hotuguiha anügüpe tunügü heke". Egea leha nügü iheke Deusu imbata hotuguiha isũüko mugui anügüpe itakonkgilü leha iheke Jako ake.

Otohongo ankgilüha Esau tamütisü ihetale tinhatügüki, üle ateheha ititü tüilüha ihekeni Jakoi. Isaki isũandühügü atai 60i Hebeka heke takongoko ankgilü.

Isaki akiti leha Esau inhügükilü isakitiha inhenigü engelü ateheha iheke. Hebeka akitiha hüle Jako inhügükilü.