Popular Bible Verses from GEN 13

Share

Tatuteha ngongo engingilü tunümingo leha uheke einha, ehigükuẽgükope inha gehale tapüngui.

Lo tepügünginheha, KUKANETÜGÜ kilüha Apagãu heke: "Ingukeĩtsikeha atütüi tatute eigakaho, ankgahoha, etüha inene gehale.

Ehigükuẽgükope hünenümingo leha uheke kaküngi ngongo unagü aküngindu agage. Inhalüha angini heke ehigükuẽgükope aküngindu igükilüingotsei.

Ülepeiha Apagãu kilü Lo heke: ''Uhisũügü mugupe naha egei, hakingohüngü ekuguha kukugei, üle ateheha igia uakitila ketimütonkgijü ingitagü uheke, atütüilaha kungingokuguko etimütonkginhalü.

Ülepei leha Apagãu heke tüandagü ake tuãkope ahakilü igelü, etelüko leha i tuhugu tsekegü geponga utotoha tigatinhü Mãhe engüna, Hebogõnaha. Tita leha Apagãu heke tehu undagitsepügü tüilü KUKANETÜGÜ akatsohoi.

Lo inhünu leha tigüĩjüi hankgungingaha Johudãu akatagü ingilüi, tuãha tsuẽi tita. Üle tepügüha tetimbe Soana. Üleha egei unatsüma ngata itu hekini KUKANETÜGÜ ngüipügüha Edẽi ngongogu ganingoha, unatsüma gehale Ejitu ngongogu gani. Egeaha uãke inhügü, hotugui geleha KUKANETÜGÜ heke tüõgonkgetila ete Sodoma atai Gomoha atai gehale.