Popular Bible Verses from GEN 1

Share

Ülepenginheha Deusu kilü: "Kengüitüngiha kuge kukagageni, kukagageniha itsokomi. Kangako aneteniha itsai, toloko aneteniha, ngeneko tinkgukinhüko aneteniha, ngeneko gehujalüko aneteniha, ngeneko aneteni gehale talahitsinhükoha ngongoho", nügü leha iheke. Deusu heke leha kuge tüilü tüagage, tüagage leha Deusu heke tüilü. Utoto tüilü leha Deusu heke itaõ ake.

Hekite leha tüilüko Deusu heke, nügüha iheke: "Tetijiha eitsüe. Kaküngiha etijitüe. Tatuteha ngongo otondeni eitsüe imütü ahiha. Tatuteha kangako aneteni eitsüe, toloko aneteniha, ngeneko aneteni tuhugu gehale tühülinhüko ngongohongo", nügü leha iheke.

Ketinetühügüha Deusu heke kahü tüipügü ngongo ake.

Deusu etinetoteha ngongo tüilü heke, inhalüha uãke ngiko gani gele anügütsei, inhalü muke gehale uãke tingugingokotsei. Tatute leha ngongo uãdepügü itsagü tuã ijotagü heke. Nhambüai geleha uãke tuã tupinhe tatute. Deusu Itsekegü tetagü geleha uãke tuã tupinhe.

Ülepei leha Deusu kilü: "Eitseha imbo", nügüha iheke. Ületsei geleha imbo inhügü, tüakisüki leha tüilü iheke egea.

Ülepei leha Deusu heke tatute tüngüipügü ingilü, aitsükü leha hekite hekugu atühügü ingilü iheke. Ülepei leha ahugutilü etinenügü, kokongo telü leha, kogetsingo mitondene enhügü leha. Aitsingo inkgugetoho igotisüha egei tütenhüi.

Deusu heke leha imbo ingilü, hekite leha anügü ingilü iheke. Deusu heke leha imbo kimbani tüilü, nhambüa tüilü gehale leha iheke telotsei.

Aitsükü geleha Deusu kilü: "Tatuteha ngata tundagü uheke einhani, i tagükinhü tühindinhü gehale inhambatomiha ehekeni.

Deusu hekeha imbo ititü tüilü igotingoi, nhambüa ititü tüilüha iheke kokongoi. Ahugutilü etinenügü leha, kokongo telü leha, kogetsingo mitondene enhügü leha. Hotugu igotisüha egei tütenhüi.

Ülepeiha Deusu kilü: "Eitseha ngongo ugupetoho tuãko aketohoiha itsomi", egea leha tüilü iheke tüakisüki.

Tatute ngata tundagü tuhugu uheke toloko inhangoi, ngenekoha gehujalüko inha, ngeneko tuhugu tinkgukinhüko inhaha ngeneko ngongoho talahitsinhüko inha gehale". Egea leha inhügü Deusu kipügüa.

Ülepeiha Deusu kilü: "Eitsüeha kimbani tuhugu ngongo ugupetoho kahü kaenga igoti uhutohoi kokongo uhutohoi gehale. Tuãkunadene uhutohoi tuhuguha itsamini, igoti uhutohoi tuhuguha, kisũanügü uhutuhoi tuhugu gehale.

Ülepeiha Deusu kilü: "Ngongo hekeha tatute tetsua tuhugu ngata tagükinhü atingetai, tatute tetsua tuhugu gehale i tühindinhü". Egea leha inhügü Deusu kipügüa.

Ülepeiha Deusu heke ngongo ugupetoho tüilü, tuã akenügü leha iheke, aetsingo itsomiha itsae kae, otohongo itsomiha itsae ngongoho. Egea leha inhügü.

Ngongo heke leha ngata atingenügü tuhugu, ngataha tagükinhü i gehale tühindinhü. Deusu heke leha hekite tüngüipügü ingilü.

Deusu heke gehale takiko tsekegüi imbo tüilü. Aetsiha tsekegüi igotingoi kimbani tüilü iheke, otohongoiha ĩhunkgu kokongoi kimbani tüilü iheke. Deusu heke gehale kandinhoko tüilü tuhugu.

Ülepenginheha Deusu kilü: "Tuã ngongo ugupongaha etuhutegüe aetsingoi tuãpingohüngü kitu apakitomi". Egea leha inhügü Deusu kipügüa. Deusu hekeha tuãpingohüngü ititü tüilü ngongoi. Tuã ititü tüilü hüle iheke tetuhutenhüpe ipa kuẽgüi tuhugu. Deusu heke leha hekite tüngüipügü ingilü.

Ülepei leha hekite tüilüko Deusu heke, nügüha iheke: "Tetijiha eitsüe. Epünetüeha, eitsüeha kaküngi tuã kuati. Kaküngi gehale ngongohonga epünetüeha toloko", nügü leha iheke.

Ülepenginheha Deusu kilü: "Ngongo, tüikeha tatute tetsua tuhugu ngeneko. Ngeneko tinkgukinhüko tuhuguha, ngeneko gehujalükoha, ngeneko gehale talahitsinhüko tuhugu ngongoho". Egea leha inhünkgo Deusu kipügüa.

Ülepenginheha Deusu kilü: "Eitsüeha tatute tuhugu tühülinhüko tijetinhüko tuã kua. Ngongohoha tatute tetsua tuhugu toloko itsomi tali ngongo ugupetoho kahü ohinhati".

Deusu hekeha tatute ngeneko tüilü tetsua tuhugu ngongohonga: Ngenekoha tinkgukinhüko tuhugu, ngenekoha gehujalüko, ngeneko gehale talahitsinhüko tuhugu ngongoho. Deusu heke leha hekite tüngüipügü ingilü.