Popular Bible Verses from Génesis 1

Share

Hinaspanmi Diosqa nirqa: —Runata ruwasunchis noqanchisman rikch'akuqta rikch'ayninchisman hina kananpaq. Paymi lamar qochapi challwakunata, alton phawaq animalkunata, uywana animalkunata, shallqa animalkunata hinallataq llapallan pampallanta suchuspa puriq animalkunatapas dominanqa, nispa. Hinaspan Diosqa runata ruwarqa, payman rikch'akuqta qarita warmitawan.

Diostaq paykunata bendecispa khaynata nirqa: —Ashkha wawayoqkuna kaychis; hinaspa miraychis; kay pachaman hunt'aychis; chaypi munayniyoq kaychis; dominaychistaq lamar qochapi kaq challwakunatapas, alton phawaq animalkunatapas hinallataq kay pachapi puriq llapallan animalkunatapas, nispa.

Señor Diosmi qallariypi hanaq pacha cielota hinallataq kay hallp'a pachatawan ruwarqa.

Kay hallp'a pachaqa ch'usaq shapusqan kasharqa. Hach'aqtaq tapaykusharqa uku-ukupi yaku kaqta. Yakuq hawan patanpin Diospa Espiritun kayman waqman kuyuykachasharqa.

Hinaqtinmi Diosqa kamachirqa: —K'anchay kachun, nispa. Chaymi k'anchayqa rikurirqa.

Hinaspan Diosqa ruwasqanta rikurqa alli-allinpuni kasqanta. Hinan ch'isiyaykurqa hinallataq paqarimurqanpas. Kaymi soqta kaq p'unchaw karqa.

Hinaqtinmi Diosqa rikurqa chay k'anchayqa allin kasqanta. Hinaqtinmi k'anchayta tutamanta t'aqarqa.

Diosmi nillarqataq: —¡Qawariychis! Qankunamanmi mikunaykichispaq qoykichis kay pachantinpi llapallan mukhuyoq yurakunata hinallataq llapallan ruruq yurakunatapas.

K'anchaytan Diosqa suticharqa “p'unchaw” nisqata; hach'aqtataq “tuta” nisqata suticharqa. Hinan ch'isiyaykurqa hinallataq paqarimurqanpas. Kaymi qallariy p'unchawqa karqa.

Chay hinaqa Diosmi kamachirqa: —Yakukunata t'aqaqqa ch'usaq kachun, shaynapi yakukuna t'aqasqa kananpaq, nispa.

Ichaqa llapallan shallqa animalkunaqpa, alton phawaq animalkunaqpa hinallataq kay pachapi puriq llapallan animalkunaqpa mikunanpaqtaqmi llapallan verde yurakunaqa kanqa. Chay hinan karqa.

Diosmi nillarqataq: —Hanaq pachapi k'anchaykuna kachun, p'unchawta tutamanta t'aqananpaq. Chay k'anchaykunan huk señalkuna hina kanqaku, imay tiempokunas, imay p'unchawkunas, imay watas kasqanta runakuna yachananpaq.

Hinaspan Diosqa nillarqataq: —Hallp'a pachapi wiñachun llapa qorakuna layanman hina, mukhuyoqkama. Shaynallataq yurakunapas wiñachun layanman hina, mukhuyoqkama, shaynapi qorakunapas hinallataq yurakunapas mukhunman hina kay pachapi wiñananpaq, nispa. Chay hinan karqa.

Diosmi ruwarqa rakina ch'usaqta, hinan wakin yakuqa t'aqaq ch'usaqpa urayninpi karqa. T'aqakusqan ch'usaqpa patanpitaq wakin yaku qeparqa. Chay hinan karqa.

Chaymi hallp'aqa tukuy laya qorakunata mukhuyoqtakama wiñachimurqa hinallataq llapan yurakunatapas ruruyoqtakama. Hinaspan Diosqa rikurqa allin kasqanta.

Diosmi iskay hatun k'anchaykunata ruwarqa, hatun k'anchaqta p'unchawta k'anchananpaq, huch'uy k'anchaqtataq tutata k'anchananpaq. Diosqa ruwallarqataqmi qoyllorkunatapas.

Shaynallataqmi Diosqa nirqa: —Hanaq pachaq uranpi yakukuna hukllaman huñukuchunku, hinaspa ch'aki hallp'a rikurichun, nispa. Shayna nisqanman hinapunin karqa. Hinaspan Diosqa kay ch'aki kaqta sutincharqa “hallp'a” nisqata. Yaku huñusqatataq sutincharqa “lamar qocha” nisqata. Hinaspan Diosqa rikurqa allinpuni kasqanta.

Hinaspan Diosqa chaykunata bendecispa khaynata nirqa: —Ashkhaman miraychis; lamar qochaman hunt'aychis; phawaq animalkunapas kay pachapi ashkhayachun, nispa.

Chaymantan Diosqa nillarqataq: —Hallp'api rikurichun tukuy laya kawsaq animalkuna uywana animalkuna, shallqa animalkuna hinallataq pampallanta suchuspa puriq animalkunapas, nispa. Hinaqtinmi shayna karqa.

Diosmi nirqa: —Yaku ukupi paqarimuchun kawsashaq animalkuna; hallp'a pachaq alton cielokunapitaq phawaq animalkunapas phawachun, nispa.

Diosmi tukuy laya animalkunata ruwarqa: shallqata, uywa animalkunata, hinallataq pampallanta suchuspa puriq animalkunata. Hinaspan Diosqa allin kasqanta qawarirqa.