Popular Bible Verses from MARK 13

Share

A ziemne mina leune nnui de nkau zie. Dede penlih ga lia cang kelu bede keli luzie.

Kwa bam lu, mriak lu, nnui pe tingbe daidau gwang zie bi ci melu.

Nah nnui de tuih lü tutiak bahm ga ngngwa kemie dau, daipai rang zie bi de mrai nnui lung keherei so; peting gwang de, nnui de kepeube rang lu. Kedanemene nnui kerang sam de nnui gu ma; cide Kemci Rabe dade gwang zielu.

Tinggim nah kideu gah dizie, dede a sam au madaude gah dilak.

“Ciciu de, migede daidau cipau tingba mede bamdapkak gwang zie bi ci ma, Tinggim ga samgwame, mede Nabe de; Peibe rünne ci bam.

Nah nnui kemna ga roitak koa dung kesiu dau nah kemdei ga roitak dung ha siu kelu dau helung keherei so. Cii kenzwa dung tei maisia, dede cide pekieh penlihbe gwang bam kecu de ma.

Kwa bam lu, cine nnui daidau ge ki mpaube gwang zie bi ci kemakne aide tinghegi, mede muisum mede tingbaa ra, mede naimik kepet dau lubui. Pa zette gwang cai, nnui zip zeu eh pecu peu ngau diso. Cine, I nnui dage kerangbe I pelane dage rang la: kwa bam lu!”

Deudi dung ketket de regi zie; hegwangram dung ketket de regi zie. Kehei gade nlui teu dizie, nah herakum dung cuh zie. Aidung de au nna tedteei kerai dung nzwa da.”

Dede penlihbe gwang kemak dwa, Samlia keyi de mina pelane dage ledeu maisia.

Mina kekiee ge, a ziemne marang lalie rang eh gwang eh, ‘I au pa da!’ de rang zie nah penui mina kekiee de cwa dizie.

“Nnuikatei de kwa bam lu maisia. Nnui de tuih luzie nah tutiak ki ga ngngwa mie zie. Nnui de synagogue gade dap zie; nnui a ziemne kedihme nah hegwangme dwa ga sap zie penui dede Samlia keyi rang beu kerane.

Kedanemene kenret Messiah dung nah kenret caihakecime cuh zielu. Penui mimakecang nah miswa kega ta dung tei eh, tei lubui cai, Tinggwang ne kedetkelume dede cwa kera tei zie.

Keherei ting cai tingbazie dung gade tingnaimik mui dizie, hekei baa sita dizie, heghi dung tinggim gade cak mie dizie, nah tingkahm ga kenkieng dung de penui bahm dung gade teukelai dizie.