Popular Bible Verses from MARK 12

Share

Jisu keli gai, “Nlang tube au aide da,” Kingnei lu, Israel! Rampaube anui Tinggwang rünne Rampaube. Rampaube Tinggwang ze n mlung pelane, n keringria pelane, n lung pelane, nah n kenkieng pelane le ku lu. Sam kaikebeu nlangtu pekenabe cai aide: ‘Nkatei ncu keku nzwa n kidabe de ku lu.’ Ai kena de swa nlangki kecu aja keda bam ma.”

Pa ne ledeukelume de qu hekwa lü penui da rang gai, “I nnui dage ranglia zie makega hemipui aide mi kedame pelane swade kiee eh kehekwabung gage kailie. Kedanemene kedame au penui mahei gade tuah kelube kai; dede pa, maga liede, pa kebam pelane kai beu — pa teu lungh kera pelane peu gai dida.”

Jisu kerecaki mabam ki tai ga ntum bam ge, mina dung penui rangkang kekai pa piebam. Keheime kekiee ge rangkang kekiee kai gai; pecai hemipui gede gwang delü rangkang goi keceu kena kai gai, cide peusa pak ge kenzwa ge.

Nah mina pe mlung pelane nah pe lungcet pelane nah pe kenkieng pelane le Tinggwang ze ku maikesia de; nah pa pekatei pecu keku nzwa pe kidabe de ku maikesia de. Aja ai kena de mzai kecu au makaune dung nah ratak keda dung Tinggwang ze reca kebeu swade nlangki lie.”

Cine Jisu rang gai, “Ciciu cai, petau da, Hegwangpei ze Hegwangpei gu peudi, nah Tinggwang ze Tinggwang gu peudi.” Nah penui Jisu ze penui swaga di.