Popular Bible Verses from Rom 3

Share

కుణ్సీ ఫరక్ ఛేని. ఆద్మీసే పాప్ కరన్ దేవేర్ మహిమాన పావ నజూఁ దూర్ వేగె. పణ్ విశ్వాస్ కరజకో సే దేవేర్ కృపాతీజ్, యేసుక్రీస్తూర్ వడీతి దజకో విమోచనేర్ కార్ణే ఫోకటజ్ నీయత్దార్ కన్ నేవో పాలచ.

ఊ యేసుక్రీస్తూమా విశ్వాస్ కరజేన సేన మళ జకొదేవేర్ నీయత్ వేన్ ఛ.

పేనా కీదేజకో పాపేన దేవ్ ధీరేతి ఖమ్లేన్ ఓన విశ్వాస్ కీదేజకో ఆద్మీర్ పాప్ మాఫ్ వేజావజూఁ కీదో జేతి ఊ ఓర్ నీయతేన దకాళ్ణో కన్ కీస్తు యేసూర్ లోయిమా విశ్వాసేర్ కార్ణే ఓన మేరేర్ ఆధారేర్ నాఁయిఁ బారపాడో. దేవ్, ఏదాడూమా ఓర్ నీయతేన బార పాడ్ణొ కన్ ఊ నీయత్దారన్ యేసుపర విశ్వాస్ ఛజేన నీయత్దారేర్నాఁయి కరెన ఊ హన్ను కీదో.

కసేన కతో ధరమ్ శాస్త్రరేర్ నైఁ చాల జేర్ కార్ణే కుణ్సీ ఆద్మీ దేవేర్ నంజరేమా నియత్ దార్ వేనీ. ధరమ్ శాస్తరేర్వడీతి పాప్ కజకోకాఁయిఁ కో మాలమ్ వచ.

యిందూర్ కార్ణే లక్మెలేజకో కాఁయికతో, - నియత్దార్ ఛేని, ఏక్ సదా ఛేని, మాలమ్ కర్లేవాళో ఏకీ ఛేని దేవేన ఢూండేవాళో కొయి ఛేని. సే వాట్ ఛోడన్ కామ్ దేని జూఁ వేగే భాలాయి కరేవాళో ఛేని, ఏక్ సదా ఛేని.

జేతి, ధరమ్ శాస్త్రేర్ వడీర్ కామేతి కోని పణ్, విశ్వాసేర్ వడీతీజ్ మన్క్యా నీయత్ దారేర్నాఁయిఁ నేవో పాలేరేచ కన్ కేలేరెంచాఁ.

తార్ వాతేర్ వడీ తూఁ నీయత్దార్ కన్ కేరావస్ జూఁ, తూఁ దావోకరస్ జనా జీతస్ జూఁ కన్ లకన్ ఛజూఁ, హర్యేక్ ఆద్మీ లబార్ వతోయి, దేవ్ సత్తేదార్ వేన్ రచ.