Popular Bible Verses from Obufwimbuli 3

Share

Lola, esinjiile khumuliango nikhong'onda; omundu yesi naba nahulila omwoyo kwanje, niyeekula omuliango, ndaleenjilamwo, nindia ninaye ebiliibwa, naye ninasi.

mbu Emanyile ebikholebio, shinga olwa orali omunyifu tsi kata ouyiile pia ta. Ndakhachama niwakhaba kata omunyifu kata ouyiile. Ne bulaano, olwa okholile butswa eshiyambala, norali kata ouyiile kata omunyifu ta, nekhufuutse orule mumunwa kwanje.

Abo bosi aba eheelanga embakondeshela nimbakuuma; kho rakhwo omwoyo, niwikalukhasia.

mbu Emanyile ebikholebio; ne lola, ereele imbeliwo omuliango okwikuushe, okwa omundu yesi aranyala okhwikala ta. Emanyile shinga olwa olikhwo namaani amatuutu, khandi shinga olwa wahulila likhuwa lianje, noreeyambakhana eliira lianje ta.

Oyo ouhula, ndalamufuchiilila okhwikhala ninasi khushifumbi shianje shioburuchi, shinga isie siesi olwa ndahula, ninzikhala nende Papa khushifumbishie shioburuchi.

Olwa oboolanga, mbu Endi omuyinda, akanje kakaasile; shindamba eshindu ta; ne noramanyile shinga olwa oli owamasila, owafuba, khandi omumanani, khandi omubofu, ouchendanga eshihechenye, ta

Olwa wahulila lilako lianje niwifwila, nasi siesi ndalakhulinda iwe oleshe okhwinjila mushise shiobuteemwi eshili okhwitsila eshialo shiosi, okhubateema abamenya khushialo.

Endi ahambi okhwitsa; handakhwo khukeenako aka oli ninako, omundu yesi aleshe okhukhunuula olusimbilwo.

Obe meeso, notinyisia ako akashisikaale, akabeele nikeenya okhufwa. Okhuba shinyoolile omulimokwo kwosi kwosi nikuusiibwe imbeli waNyasaye wanje ta.