Popular Bible Verses from Obufwimbuli 2

Share

Nebutswa endi nelikhuwa lino khwiwe, mbu walekha obuheelibwo obwambeli.

Kho witsulile aha warula niwaakukha, niwikalukhasia, nokhola shinga olwa wakholanga olwambeli; nebutswa noba noreekalukhasia ta, ndakheetse nirusia eshichibi shieitahayo habundu washio.

Oraria aka oli ahambi okhusaalisilibwa ta; lole, Setani ali okhusukuna abandi khwinywe mumbohe, mbu muteemwe; mulaba mumasila tsindaalo ekhumi. Obeetsenje omwisiikwa okhuula khukhufwa, kho ndalakhuheelesia olusimbi Iwobulamu.

Ouli namarwi, ahuliie aka Roho asunjila tsikanisa. Oyo ouhula, ndalamufuchiilila okhulia khumusaala kwobulamu, okuliho mumukunda kwaNyasaye.

mbu Emanyile ebikholebio, mbu okhunyakhanakhwo nende okhwifwilakhwo; khandi shinga abandu ababii olwa bakhusinyila elala; khandi shinga olwa wateema abo abeelanga mbu abanabii nibarali bario ta, nonyoolelesia obukaatii bwabwe.

Oli nobwisimilisii; weefwila khulwanje, noratofuhala tawe.

Ouli namarwi, ahulile aka Roho asunjila tsikanisa. Oyo ouhula, ndalamuheelesiakhwo khumana eyo eyamabiswi; khandi ndalamuheelesia lichina lilafu, ne khwichina elo lilabakhwo eliira liyia nilihandiichilwe, elia oundi yesi aramanyakhwo ta, habula oyo ouliheebwa.