Popular Bible Verses from Obufwimbuli 14

Share

Mana ndahulila omwoyo okurula mwikulu nikusunga kuri Handiika mbu Nabeikhabi abafu abafwilanga muMwami; Roho aboola mbu Okhurula olwa leelo bahuluushenje khumilimo chiabwe; shichila batsia nebikhole biabwe.

Hano niho aha obwifwili bwabatakatifu bwenyelungwa, abo abahulilanga amalako kaNyasaye, nibahanda khukasuubilwa khuYesu.

Yalanjisia nomwoyo omukhongo, ari Riitsenje Nyasaye, nimumuheelesia oluyali, okhuba isaa yobuyaasiibwe yulile. Mumwinamile oyo owalonga likulu neshialo neinyanza nende ebinoko biamatsi.

Mana malaika undi, owakhataru, nalonda munyuma wabwe naboola nende omwoyo omukhongo, ari Omundu yesi naba niyeenamila isolo eyo neshifwanani shiayo, naheebwa eshimanyilo khubwenibwe, kata khushikalo shiomukhono, kho alanywa khudivai yoburaasi bwaNyasaye eyitsukhwa ikhaya mushikombe shioburimabwe, ne alasaalisilibwa omulilo nomusaala kweshiberiti imbeli wabamalaika abatakatifu, khandi imbeli weLikondi oyo. Omwosi kwokhusaalisibwa khwabwe kulatuumuukhanga ebisoni nebisonikata shibalanyoola obuhuluushi bwosi ta, eshilo neshiteere, abeenamilanga isolo eyo neshifwanani shiayo, nomundu yesi ouheebwa eshimanyilo shieliira liayo.

Mana ndahenga, nindola Likondi tsana ngwoyo, nasinijile khushikulu shiaSayuni; nabandu ebikhumila eshikhumi amakhumi kane nabine halala ninaye, abali nende eliiralie nende eliira liaSamwana nikahandiikwa khubweni bwabwe.

Mana ndalola malaika undi, napulukha mwikulu hakari, nali nende injiili yobumeli okhubarumbulila abamenya mushialo, khandi khubuli lihanga noluyia nolulimi nabandu.

Mana oundi, malaika wakhabili, nalonda munyumawe, naboola mbu Likwile; Babeli litookho likhongo, elianyweesia amahanga kosi khudivai yobuheyi bwalio, likwile.