Popular Bible Verses from Obufwimbuli 13

Share

Hano niho aha obuchesi bwenyelungwa. Ouli omuchesi abasie isabu yeisolo; isabu yene yisinjilila eliira liomundu, khandi tsisabu tsietsinyukuta tsihela ebikhumi bisasaba amakhumi kasasaba natsisasaba.

Nabo bosi abamenya mushialo balachiinamila, buli mundu owa eliiralie lirahandiikwa mushitabu shiobulamu shieLikondi elieerwa okhurula khumusuule ta.

Khandi niyihachilisia bosi, abatuutu nabakhongo, abayinda nabamanani, abeebule nabasumba, mbu baheebwe eshimanyilo mushikalo shiomukhono musaatsa kata khubweni; khandi mbu omundu yesi arafuchiililwa okhukulanga kata okhukusinjia ebindu ta, habula ouli neshimanyilo tsana, niIwo eliira lieisolo kata isabu yeliira liayo.

Omundu yesi oukhoyeele obubohwi, atsie mububohwi. Omundu yesi owira nolukanga, khatimba yeerwe nolukanga. Hano niho aha obwifwili nobusuubili bwabatakatifu bwenyelungwa.

Nikusinjila khulukuku lweinyanza. Mana ndalola isolo niyitikulukha niyirula munyanza, niyili nende tsinzika ekhumi nemirwe musaafu; ne khunzika tsiayo bialikhwo ebimwata ekhumi biobwami; khandi khumirwe chiayo, ameera kamanyeko.

Khandi yafuchiililwa okhuseera abatakatifu bosi nokhubahula; niyiheebwa oburuchi khubuli luyia nabuli bandu nabuli lulimi nabuli lihanga.

Niyibakaatia abamenya mushialo khulwa ebilolelo ebia yafuchiililwa okhukhola imbeli weisolo; niyiboolela abamenyanga mushialo okhuchikasilia isolo eyo eshifwanani, eyo eyaremwa nolukanga, nebutswa yishilinji mwoyo. Khandi niyifuchiililwa okhushiheelesia omuuya eshifwanani shieisolo eshio, mbu eshifwanani shieisolo shiboole, khandi mbu shichile abo abareenamila eshifwanani shieisolo ta, beerwe.

Nayo isolo eya ndalola yafwana shinga ingwe; habula ebilenje biayo bieengana ebieitubu, omunwa nakwo nikwingana okweitalanyi; okuyokha nikuchiheelesia obunyali bwakwo, neshifumbi shiakwo shiobwami, noburuchi obunji.

Mana isolo yaheebwa obwiyangu okhuboola nomunwa kwayo amakhuwa amakhulumamu nende amanyeko; niyiheebwa oburuchi bwemiesi amakhumi kane nachibili.

Nindola omurwe kwayo mulala nikufwana shinga okwaarwa olukuma okhuula khukhufwa; habula olukuma Iwokhufwa lwali nilwahona; ne eshialo shiosi shiali nishing'ang'aalila isolo tsana.

Mana ndalola isolo yindi khandi niyitikulukha niyirula mwiloba; nayo yali netsinzika tsibili shingana likondi; ne okhuboola yaboola shinga okuyokha. Nayo niyiikhoonyela oburuchi bwosi bweisolo yambeli eyo, niyili imbeli wayo. Niyihachilisia eshialo nende abamenyangamwo okhwinamila isolo yambeli eyo, eya olukuma lwayo Iwokhufwa lwali nilwahona.