Popular Bible Verses from Yohana 14

Share

Omulembe emuleshela; omulembe kwanje emuheelesia; ne shimuheelesia shinga shialo olwa shihaananga tawe. Emioyo chieenywe chieshe okhubeeyabeeya kata okhuria.

Yesu namuboolela mbu Isie nisie injila, khandi obwatoto, khandi obulamu. Abulaho owitsila Papa narabirila khwisie ta.

Omwoyo kweenywe kuleshe okhubeeyabeeya ta; musuubililanga Nyasaye, musuubilile isie siesi.

Ne Omuhabini oyo niye Roho Omutakatifu, owa Papa alaruma muliira lianje, alamwechesia amakhuwa kosi, namwitsusia khumakhuwa kosi aka ndamusunjilanga.

Ouli ninako amalako kanje nakahulilanga, niye ouheelanga isie; noyo ouheelanga, alaheelwa nende Papa, nasi ndalamuheela nimumanyishila.

Nasi ndalamusaaya Papa, naye alamuheelesia Omuhabini undi, abeetsenje nineenywe obushia nobushia, neniye Roho wobwatoto; owa eshialo shiranyala okhumwinjisia ta okhuba shishimulola kata okhumumanya tawe. Inywe mumumanyile, okhuba amenyanga nineenywe, khandi alaba mwinywe.

Ne liosi liosi elia mulasaba muliira lianje, ndalalikhola, mbu Papa aheebwe oluyali muMwana. Nimuba nimu'saba likhuwa liosi muliira lianje, ndalalikhola.

Nimuba nimu'heela, mulahulilanga amalako kanje.

Munzu yaPapa mulimwo ebimenyo ebinji; nikaba nikarabeele kario ta, khane ndakhamubooleele; okhuba enzia okhumukasilia habundu.

Ne nimba ninzia nimukasilia habundu, ndaleetsa khandi nimwinjisia ewanje, mbu ewa endi isie, nineenywe mwesi mubeho.

Tomasi namureeba ari Omwami, shikhumanyile ewa otsia ta; ne khwakhamanya khurie injila?