Popular Bible Verses from Yohana 15

Share

Isie nisie omutsabibu, neenyu muli amasaka. Oumenya mwisie, ninasi muye, omwenoyo yaamanga ebiamo ebinji; okhuba harali isie shimunyala okhukhola eshindu shiosi tawe.

Menyenje mwisie, ninasie mwinywe. Shinga lisaka olwa liranyala okhwama ebiamo khubwalio, harali okhumenya khumutsabibu ta, nilwo olwa muranyala murio inywe harali okhumenya mwisie tawe.

Nimuba nimumenya mwisie, amakhuwa kanje nako nikamenya mwinywe, musabe liosi elia mwenya, nalio lilamukholelwa.

Inywe shimwayandobola isie ta, habula isie ndamulobola inywe, nimuraho, mbu mutsie mwame ebiamo, khandi mbu ebiamo bieenywe bimenye; mbu likhuwa liosi elia mulasaba Papa muliira lianje, amuheelesie.

Abulaho ouli nobuheeli obushila buno, mbu omundu okhuhaana obulamubwe khulwa abeetsabe.

Buli lisaka mwisie eliraama ebiamo ta, aliyinaiho; ne buli lisaka eliamanga ebiamo, alikhalila, mbu limeete okhwama ebiamo.

Lino nilio lilako lianje, mbu muheelanenje, shinga isie olwa ndamuheelile inywe.

Mwikhuwa lino Papa aheebungwa oluyali, mbu olwa mwamanga ebiamo ebinji; khandi murio mulaba abeechi banje.

Isie nisie omutsabibu kwatoto, naye Papa niye omulimili.

Omundu naba naramenya mwisie ta, asukunwa shinga lisaka, naniala; abandu nibakakhung'aasia, nibakasukuna mumulilo, nikasambwa.

Amakhuwa kano emubooleele, mbu okhwikhoya khwanje khube mwinywe, khandi mbu okhwikhoya khweenywe khwitsule.

Nimuba nimuhulilanga amalako kanje, mulamenyanga mubuheeli bwanje; sbinga isie olwa ndahuliilenje amalako kaPapa, nimenya mubuheelibwe.

Amakhuwa kano emulaka, mbu mana muheelanenje.

Nimwakhabeele abeshialo, khane eshialo shiakhaheelile abali abashione shichila shimuli abeshialo ta, habula ndamulobola mushialo, niko akachila eshialo nishimukiya.