Popular Bible Verses from Isaya 53

Share

Nebutswa yafumirwa khulwa obukhayi bweefwe, yatubulwa khulwa obumayaanu bweefwe; okhukuumwa okhukhuleerela ifwe omulembe khwali khuye; neefu khwahonibwa khulwa amakhupacheke.

Ifwe fwesi khutiimatiimanga shinga amakondi, khwakotoole buli mundu khunjila yiye omwene; ne OMWAMI yamureelekhwo akobumayaanu bweefwe fwesi.

Toto mwene, yeetuukha obutsuunwi bweefwe, nachinga obusaalili bweefwe bwosi, neefu khwamupaarakhwo mbu yakhupwa nanywekhwa nende Nyasaye, nasandibwa.

Yalekwa, nalobwa nabandu; omundu wobusaalili, nowamanya obutsuunwi; ne shinga owa abandu babisila tsimoni tsiabwe, yalekwa, ifwe nikhuramupaarakhwo ta.

Yasandibwa, ne yeetiitiyia, narachinga omunwa ta; shinga eshimeeme eshiyilwa okhukhwirwa, khandi shinga likondi olwa liholeelela abaliteeta obwoya, toto, shiyachinga omunwa ta.

Ne khane OMWAMI yalola obulayi okhumutubula, namutsuunia. Olwa aleekhola omwene omurungo kwobuyiiri, alalola olwibulolwe, obuyindifubwe bulameetekha, naka OMWAMI yeenya kalakaasa mumakhonoke.

Shichila yakhula imbeliwe shinga eshimela eshitorotoro, khandi shinga omurombo mwiloba eliumu; shiyalikhwo nende likondo kata okhukaasa ta; nolwa khwamulola, bwabulaho obulayi obwachila nikhumwikomba.

Niko akachila ndalamukabila omukabo halala nende abakhulundu, naye alakabana ebiyaayo nende abamanani; okhuba yasundula obulamubwe busundula okhuula khukhufwa, nabalilwa halala nende abakhayi; nebutswa yeetuukha obwonooni bwabanji, nabasabila abakhayi.

Alalola akobunyakhani bwomwoyoke, nahuutsa; khulwa obumanyibe omusumba wanje omulunjishi alakhola abanji babasibwe mbu nabalunjishi, niyeetuukha akobumayaanu bwabwe.

Khulwa okhusandibwa nende eshiina yabukulwa; ne mubolubakalwe, niwina mubo owayililisia mbu yakhalachisibwa okhurula mushialo shiabali mwoyo, nakhupwa, khulwa obukhayi bwabandu banje?

Bamukasilia ing'ani halala nababii, nahalala nende abayinda mukhufwakhwe; kata narakhola akamahababa kosi ta, kata obukaatii nibwabula mumunwakwe.