Popular Bible Verses from Okhukalushila 6

Share

omuheelenje OMWAMI Nyasayewo nende omwoyokwo kwosi, neshiimoshio shiosi, namaaniko kosi.

nawe obeechesie abaanabo neshinani, nokakhupa imbakha olwa oba nobuutsa mungo, kata olwa oba nochenda khunjila, kata olwa oba nokona, kata olwa oba nobuukha.

Namakhuwa kano aka ekhulaka leelo, kabe mumwoyokwo

Iwe Isiraeli, hulila; OMWAMI Nyasaye weefwe nOMWAMI mulala

Okeebohe, kabe eshilolelo khumukhono; khandi kabe ebiokhubohwa khubwenibwo.

Okahandiiche khubiyindi bieinzuyo, nende khubilibwabio.

Omuriitsenje OMWAMI Nyasayewo; omukhalabanilenje ye, niwitsuba khuliiralie.

Mana olwa OMWAMI Nyasayewo alakhwinjisia mushialo eshia yeetsubila abakuukabo, mbu Aburahamu, naIsaka, naYakobo, okhukhuhee-lesia; namataala amakhongo amalayi aka orayoombakha ta, netsinzu etsiitsuulemwo ebindu ebilayi etsia orayeetsusia ta, namayabo kamatsi akayabwa aka orayaba ta; emikunda chiemitsabibu nemitseituni echia oraraaka ta; olwa olaliitsanga niwikura; habwenaho wirecheshe oleshe okhwibilila OMWAMI, owakhurusia mushibala shiaMisiri, okhurula munzu yobunyakhani.

Ne lino nilio lilako, nakalachilisibwa, nende akobukhalachi, aka OMWAMI Nyasaye weenywe yandaka okhumwechesia, mbu mukakholenje mushialo eshia mulaambukha nimutsia okhushibukula; mbu oriitsenje OMWAMI Nyasayewo, iwe, nomwanawo, nomwitsukhuluwo, nimukhola aka alachilisia nende akamalakoke aka emulaka, tsindaalo tsiosi tsiobulamubwo; khandi mbu tsindaalotsio tsimeeteshe.

Ne okholenje akali amalunji khandi amalayi imbeli wOMWAMI; mbu okaase, khandi mbu winjilemwo olie eshialo eshilayi tsana eshia OMWAMI yeetsubila abakuukabo

okhuba OMWAMI Nyasayewo ouli hakari weenywe niye Nyasaye weimbalikha; oburima bwOMWAMI Nyasayewo bwakhakhwashila, naye nakhutibia orule khushialo pe.

Muralonda khubanyasaye bandi ta, abokhubanyasaye betsimbia tsiabandu etsimubotokhana

Muramuteema OMWAMI Nyasaye weenywe, shinga olwa mwamuteema eMasa ta.