Popular Bible Verses from Okhukalushila 1

Share

OMWAMI Nyasaye weenywe, oumuranjililanga, alamulwanila, shinga olwa yamukholela muMisiri, nimulolanga; kata nende mushitsiimi, ewa walola shinga OMWAMI Nyasayewo olwa yakhuchinga, shinga samwana olwa achinga omwanawe, khunjila yosi eya mwachendakhwo, okhuula olwa mwoola habundu hano.

OMWAMI, Nyasaye wabakuuka beenywe, amwinjiyie khandi eshikhumila okhushila olwa muli bulaano, namu-heelesia ikhabi, shinga olwa yamusuubisia!

OMWAMI Nyasaye weefwe yakhuboolela muHorebu ari Okhumenya khweenywe mushikulu muno khuhelile.

Lole ereeleho eshialo eshio imbeli weenywe; mwinjile, mubukule eshialo eshia OMWAMI yeetsubila abakuuka beenywe, Aburahamu naIsaka naYakobo, okhubaheelesia bo nolwibulo lwabwe inyuma wabwe.

Murakholanga ebiela mubandu mubuyaasii ta; muhulilenje omutuutu nomuknongo bombi; murariitsanga tsimoni tsiomundu namundu ta, okhuba obukhalachi nobwa Nyasaye; ne eshifunaane shiosi eshili eshitinyu nishimukhaya, mushindeerele, nasi ndalashihulila.