Popular Bible Verses from 1 Petero 4

Share

Okhushila kosi murekhwo omwoyo okhuheelananga; shichila obuheeli bufuunikha ebionoono ebinji muno.

Eshihaanwa eshia buli mundu yesi yaheebwa shinga olwa shili, ashiikhoonyele nakhalabanila abashie, shinga olwa muli abasinjilili abalayi bobukoosia bwaNyasaye tsimbia tsiabwo tsiosi.

Omundu yesi ouboola, abe shinga ouboola amasungo kaNyasaye; omundu yesi oukhalabana, akholenje shinga ouli namaani aka Nyasaye ahaananga; mbu mukosi Nyasaye aheebungwe oluyali khulwa Yesu Kristo, ouli omwene luyali nende obunyali, ebisoni nebisoni. Amina.

Habula omundu naba nasaalila shichila nomuKristayo, arafwimbwe omurwe tawe; nebutswa aheelesie Nyasaye oluyali muliira elo.

Eshihesi shiamakhuwa kosi shisitile ahambi; kho mube abarechelefu, nimwiruka, mbu musaayenje.

Abaheelwa banje, murahuka khukokhuteemwa khweenywe khwomulilo, okhumukwila mbu khumuchele, shinga olwa kali amakhuwa amacheni akamwikholakhwo, ta. Ne aha musanjilanilanga khukhusaalila khwaKristo, mwikhoye; mbu khukhufwimbulwa khwoluyalilwe nakhwo muliikhoya omwikhoyo omukali.

Mwinjisaninjie aharali okhubuuluula khwosi ta.

Ne niko akachila abasaalilanga okhwenya khwaNyasaye shinga olwa khuli, bare emioyo chiabwe mumakhono kOmulonji ouli omwisiikwa, nibakholanga amalayi.

Kho mana olwa Kristo yasaalila mumubili, neenyu mwimanule amayililisio malala akeenako, mbu muleshenje okhumala tsindaalo etsishimutong'ela mumubili nimukholanga akobwikombi bwabandu ta; habula akokhwenya khwaNyasaye; shichila ousaaliliile mumubili abeetsanga naleshile obwonooni pe.

Nimuba nimukondeshelwa khulwa eliira liaKristo, muli abeikhabi; shichila roho woluyali, niye Roho waNyasaye, ali khwinywe.