Popular Bible Verses from 1 Petero 2

Share

Nebutswa inywe muli oluyia olulobole, obukuhani bweshiami, lihanga litakatifu, oluyia lwabandu abali baNyasaye omwene; mbu mulolosinjie ebulafu amalayi akamangaliimwa ka oyo owamulanga murule mushiilima, mwinjisibwe mubulafubwe obwamakana.

Ye omwene yeetuukha ebionoono bieefwe mumubilikwe khumusaala; mbu if we, nikhufwiliile ebionoono, mana khubeetsenje mwoyo khubulunjishi; ne amakhupacheke niko akachila nimuhonibwa. Okhuba mwali nimutiimatiimanga shinga amakondi; ne bulaano mwamukalushiile oyo ouli Omwayi khandi Omulindi wemioyo chieenywe.

Mundaalo tsiakhale shimwali oluyia ta; ne bulaano muli oluyia lwaNyasaye; shimwali nimubeelwa tsimbabasi ta; ne bulaano mwabeelwa tsimbabasi.

Mufwane shinga abaana abakheebulwa, mwenyenje amabeele ameeleleshe akeshiroho, mbu kamukhusie okhuula khubuhonia

Abaheelwa banje, emusaaya, shinga olwa muli abacheni khandi abamenyi, mbu musile obwikombi bwomubili, obuseeranga omwoyo. Injenda yeenywe mubamahanga yibe eyikhoyeele; mbu kata olwa bamuchiikhanga mbu muli abakholi betsimbii, khulwa ebikhole bieenywe ebilayi ebia balolanga bamuheelesie Nyasaye oluyali khunduukho yokhucheniyilwa.

nineenyu mwesi murio, olwa muli amachina amalamu muumbakhwa inzu yeshiroho, mbu mube abobukuhani obutakatifu, okhumalanga emisango chieshiroho, echia Nyasaye anyala okhuchama, khulwa Yesu Kristo.

Kho mwinaabule obumayaanu bwosi, noburana, nobwikaatii, neimbalikha, nobumoonyi bwosi.

Mwitse khuye, ouli lichina lilamu; toto, lialobwa nabandu, ne khuNyasaye nelilobole, elioIukoosi

Mubeetsenje abalekhuule, nebutswa murabukhola obulekhuule bweenywe okhuba eshifuunikho shiobubii ta; habula shinga olwa muli abasumba baNyasaye.

Shichila niko aka Nyasaye yeenya, mbu khulwa okhukhola amalayi muholeelesie akokhukorwa khwabayingwa.