Popular Bible Verses from 1 Petero 1

Share

Oyo ouli Nyasaye wOmwami weefwe Yesu Kristo khandi Samwana, yeetsoomibwe; ne niye owakhwibula khandi, tsimbabasitsie tsinyinji shinga olwa tsili, khube nobunaayi obulamu khulwa obulamushi bwaYesu Kristo okhurula mubafu; khandi mbu khulie obulaame oburabola kata okhusasikha kata okhuniala ta, obwamubiishilwa mwikulu

Musangaalile amakhuwa ako, kata olwa bulaano kamukhoyeele okhubeelesibwa eshise mubuteemwi bwetsimbia tsinyinji. Kano keekholanga mbu obwatoto bwobusuubili bweenywe, obushila itsahaabu eyitibanga kata olwa yiteemwa nomulilo, buleere obwitsoomii noluyali neifuma olwa Yesu Kristo alaba nafwimbulwa.

Ne shinga ye owamuIanga olwa ali omutakatifu, neenywe mwesi murio mube abatakatifu munjenda yeenywe yosi; shichila kahandiikwa mbu Mulaba abatakatifu, shichila isie endi omutakatifu.

Olwa muli abaana abahulili, mureekwisia okhufwana shinga obwikombi bweenywe bwakhale, obwomundaalo tsiokhukorwa khweenywe, shinga olwa bwali, ta.

Khulwako mwinyiche emioyo chieenywe, mwitembelesie nimuchoomilia elala obunaayi bweenywe khubukoosia tsana obuli okhumuleerelwa khubufwimbulwi bwaYesu Kristo.

Okhuba Abemibili bosi bafwana shinga obunyasi, noluyali lwabo lwosi Iwingana eshimuli shiobunyasi. Obunyasi bufululukha, eshimuli shibungulukha; habula likhuwa liaNyasaye libeetsangaho obushia nobushia. Nalio nilio likhuwa lieinjiili eyamwilwatsilwa.