Popular Bible Verses from Matayo 21

Share

Kuba musimira, ekikai kiti-kiti nchi kisehema banu Ongo, wasebuninka cho.»

Yesu wasako bo mbu: «Muriira nibwirengi mbu kuba banu muri n'erisimira na banu musira koha, na banu hotu mumakocha ironja mbi byamaronjee ani emuti uno. N'erou runo naro mumakocha iere ro mbu: ‹Tuka hano na itae mu nyansa›, naro nti rabesa mbo.

Ebea mbi babesenga basondore Yesu nambi bamumisange babesenga bakuange mbu: «Hosana! Musike wa Ndauti! Ongo wakasani ingu weyange murina ra Nyere Kuritu! Ongo watatwe mu mbingu!»

Were bo mbu: «Raandikwa mu Mitiro Yashurukara mbu: ‹eNumba yani isenda ibikirwange mbu Numba ya mahemo.› Ina banu mumabundura yo mu ukunda rwa banyai!»

«Ere bisa ku Sayuni mbu: ‹Mukai, emwami winu weya kuri banu. Iwe wibombeka, wamataya hiyo n'embunda, n'embunda njo ikiri chana.›»

Kuruma nampo, Yesu washisha bo mbu: «Mbeni mutungasomanga nensi mbu bweba eMitiro Yashurukara: ‹Erikoi ndi ratinwanga n'ebimbi ngi ramabunduke erikoi rikiri r'emusingi Nyere Kuritu ngwaronjanga mbo, n'ekinwa ncho cha bishisharo nguru kuri bate!›

Bushwa nancho, nibwirengi mbu Ongo wasebunyaka eBwami bwae n'ininka bo bampe bea mbi basenda bakorange mbi byashima we. [