Popular Bible Verses from ܡܓܰܠܝܘܢ ܕܡܪܩܘܣ 16

Share

ܘܐܡ݄ܪ ܠܰܗ ܠّܶܗ: ”ܙܳܟ̥ܽܘ ܠܽܗ̄ܘ ܥܳܠܡܳܐ ܟܽܘܠܶܗ، ܘ݄ܟܪܰܙܽܘ ܗ̄ܺܝ ܣܒܰܪܬ̥ܰܝܕ̥ܺܝ ܒܟܽܘܠܰܗ ܒܪܺܝܬ̥ܳܐ.

ܐܰܝܢܰܐ ܕ݄ܡܗܰܝܡܢܺܝ، ܐܳܬ̥ܘ̈ܳܬ̥ܳܐ ܓܕܳܗ̄ܘܶܐ ܐܰܥܡܰܝّܶܗ: ܒ݄ܐܫܡܺܝ ܫܺܐܕ̈ܶܐ ܓܡܰܘܦܩܺܝ، ܘ݄ܒܠܶܫܳܢ̈ܶܐ ܚܰܕ̱̈ܬ̥ܶܐ ܓܡ݄ܫܓ̥ܳܠܺܝ، ܘܟܽܘܪ̈ܦܶܐ ܓܛܳܥܢܺܝ {ܒܺܐܝܕ̥̈ܳܬ̥ܰܝّܶܗ}، ܘܶܐܢ ܣܰܡܳܐ ܕܽܗ̄ܘ ܡܰܘܬܳܐ ܫܳܬ݄ܢ ܠܳܐ ܟܡܰܟܽܒّ̥ܶܗ، ܘܺܐܝܕ̥̈ܳܬ̥ܰܝّܶܗ ܓܡܰܚܬܺܝ ܥܰܠ ܗ̄ܰܟّܰܐܺܝܒ̥̈ܶܐ ܘ݄ܓܢܳܝܰܚّܶܗ.“

ܐܰܝܢܰܐ ܕ݄ܡܗܰܝܡ݄ܢ ܘܥܳܡ݄ܕ̥ ܟܚܳܝܶܐ، ܘܰܐܝܢܰܐ ܕܠܳܐ ܡܗܰܝܡ݄ܢ ܓܡܺܝܕ݄ܢ.

ܘܗ݄ܢّܶܝ ܢܰܦܺܝܩܺܝ ܘ݄ܟܪ݄ܙّܶܗ ܒܟܽܘܠ ܕܽܘܟܬ̥ܳܐ، ܘܡܳܪܰܢ ܡܥܰܕܰܪ ܗ̄ܘܰܐ ܠّܶܗ، ܘܡܰܫ݄ܪ ܗ̄ܘܰܐ ܗ̄ܽܘ ܡܰܐܡܪܰܬّ̥ܶܗ ܒܰܬّܶܕ݄ܡܪ̈ܳܬ̥ܳܐ ܕܣܰܝܡܺܝ ܗ̄ܘܰܘ̱.

ܘܗܺܝّܶܗ ܐܡ݄ܪ ܠܰܗ ܠّܶܗ: ”ܠܳܐ ܙܰܝܥܺܝܬܽܘ! ܗܰܬܽܘ ܟ݄ܐܒܥܺܝܬܽܘ ܝܶܫܽܘܥ ܗ̄ܽܘ ܢܳܨܪܳܝܳܐ ܗܰܘܳܐ ܕ݄ܨܠܺܝܒ̥. ܩܰܝ݄ܡ! ܠܰܝ̱ܬ ܝܳܐ ܗܰܪܟܶܐ! ܟܰܐܠܰܗ ܗ̄ܺܝ ܕܽܘܟܬ̥ܳܐ ܐܰܝܟܳܐ ܕܡܰܚܰܬ (ܕ݄ܡܬܰܚܰܬ) ܗ̄ܘܰܐ.

ܘܚ݄ܪّܶܗ ܘ݄ܚܙܰܠّܶܗ ܕ݄ܡܓܰܢܕܪܳܐ ܗ̄ܺܝ ܟܶܐܦܰܝܳܐ، ܘܪܰܒܬ̥ܳܐ ܗ̄ܘܰܐ ܓ̥ܰܠܰܒܶܐ. ܘܥܰܒܺܝܪܺܝ ܠܽܗ̄ܘ ܩܰܒ̥ܪܳܐ، ܘ݄ܚܙܰܠّܶܗ ܥܠܰܝܡܳܐ ܝܰܬܺܝܒ̥ܳܐ ܡܽܗ̄ܘ ܝܰܡܺܝܢܳܐ ܘ݄ܠܒ̥ܺܝܫܳܐ ܩܶܡ݄ܣܬܳܐ ܚܶܘܰܪܬܳܐ، ܘ݄ܡܒܰܠ݄ܗܕܺܝ.