Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 27

Share

ܐܰ‌ܠܳܗܳܐ ܗ̄ܳܒܶܐ ܠܳܟ̥ ܡܽܗ̄ܘ ܛܰܠܳܐ ܕܺܗ̄ܝ ܫܡܰܝܳܐ ܘܡܺܗ̄ܝ ܕܽܘܗܢܺܝܬ̥ܳܐ ܕܺܗ̄ܝ ܐܰܪܥܳܐ، ܘܓ̥ܰܠܰܒܶܐ ܚ̈ܶܛܶܐ ܘܚܰܡܪܳܐ. ܥܳܒ̥ܕܺܝ ܠܳܟ̥ ܥܰܡ̈ܶܐ، ܘܶܐܡ̈ܘܳܬ̥ܳܐ ܣܳܓ̥ܕܺܝ ܠܳܟ̥. ܗܘܰܝ ܪܺܝܫܳܐ ܠܰܗ̄ܢ ܐܰܚ̈ܽܘܢܳܢܰܝܕ̥ܳܟ̥، ܘܣܳܓ̥ܕܺܝ ܠܳܟ̥ ܗ̄ܰܢ ܐܰܒܢ̈ܶܐ ܕܶܐܡܳܟ̥. ܗ̄ܰܠّܰܝ̈ܳܛܰܝܕ̥ܳܟ̥ ܠܺܝ̈ܛܶܐ ܢܶܝ، ܘܰܡܒܰܪ̈ܟ̥ܳܢܰܝܕ̥ܳܟ̥ ܒܪ̈ܺܝܟ̥ܶܐ ܢܶܝ.“

ܘܐܡ݄ܪ ܠܶܗ ܥܺܝܣܽܘ: ”ܒ݄ܫܪܳܪܳܐ ܩܪܶܐ ܐ݄ܫܡܶܗ ܝܰܥܩܽܘܒ، ܟܰܐܠܶܗ ܬܰܪܬܶܝ ܟܳܪ̈ܶܐ ܡܰܛܥܶܐ ܠܶܗ ܠܺܝ (ܗܰܘܺܝ ܥܶܩܒܳܐ ܒܕܰܪܒܺܝ): ܒܰܟ̥ܪܽܘܬ̥ܺܝ ܡܺܝܕܳܐ ܠܶܗ، ܘܟܰܐܠܶܗ ܐܳܥܕܳܐ ܗ̄ܰܒّܽܘܪ̈ܟܳܬ̥ܰܝܕ̥ܺܝ ܡܺܝܕܺܝ ܠܶܗ.“ ܘܐܡ݄ܪ ܠܶܗ ܥܺܝܣܽܘ ܠܽܗ̄ܘ ܒܰܒܳܐ: ”ܐܶ‌ܠܺܝ ܠܳܐ ܛܪܶܐ ܠܳܟ̥ ܒܽܘܪܟܬ̥ܳܐ؟“

ܘܡܰܕܥܰܪ ܠܶܗ ܐܺܝܣܚܳܩ ܗ̄ܽܘ ܒܰܒܳܐ ܘܐܡ݄ܪ ܠܶܗ ܠܶܗ: ”ܟܰܐܠܶܗ ܒܺܗ̄ܝ ܐܰܪܥܳܐ ܬܰܩ݄ܢܬܳܐ ܗܳܘܶܐ ܗ̄ܽܘ ܝܺܬܳܒ̥ܰܝܕ̥ܳܟ̥ ܘܡܽܗ̄ܘ ܛܰܠܳܐ ܕܺܗ̄ܝ ܫܡܰܝܳܐ ܡܶܢ̱ ܠܰܠܥ݄ܠ. ܘܥܰܠ ܗ̄ܽܘ ܣܰܝܦܰܝܕ̥ܳܟ̥ ܚܳܝܰܬ، ܘܠܰܐܚܽܘܢܳܟ̥ ܦܳܠܚܰܬ. ܘܶܐܢ ܕܬܰܝܒܰܬ، ܓܡ݄ܬܠܶܐ ܗ̄ܽܘ ܢܺܝܪܰܝܕ̥ܶܗ ܡܶܢ̱ ܩܕ̥ܳܠܳܟ̥.“

ܘܐܡ݄ܪ ܠܶܗ ܥܺܝܣܽܘ ܠܽܗ̄ܘ ܒܰܒܳܐ: ”ܒܽܘܪܟܬ̥ܳܐ ܚܕ̥ܳܐ ܠܚܽܘܕ̥ܰܗ ܟ݄ܬ ܠܳܟ̥، ܒܰܒܺܝ؟ ܡܒܰܪܰܟ̥ ܠܺܝ ܐܳܢܳܐ ܣܬܶܝ، ܒܰܒܺܝ.“ ܘܡܰܥܠܶܐ ܠܶܗ ܥܺܝܣܽܘ ܩܳܠܶܗ ܘܒܰܟ̥ܺܝ.