Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 26

Share

ܥܡܰܪ ܒܺܗ̄ܝ ܐܰܪܥܰܬ̥ܶܐ، ܘ݄ܓܕܳܗ̄ܘܶܐ ܐ̱ܢܳܐ ܐܰܥܡܳܟ̥ ܘܓ݄ܡܒܰܪܰܟ̥ܢܳܟ̥، ܥܰܠ ܕܶܐ‎ܠܳܟ̥ ܘܠܽܗ̄ܘ ܙܰܪܥܰܝܕ̥ܳܟ̥ ܓܕܳܗ̄ܒܶܐ ܐ̱ܢܳܐ ܟܽܘܠّܶܗ ܗ̄ܰܡّܰܠܟ̈ܘܳܬ̥ܰܢܺܝ. ܘ݄ܓܣܳܝܰܡ ܐ̱ܢܳܐ ܒܽܗ̄ܘ ܝܺܡܳܝܳܐ ܕܺܝܡܶܐ ܠܺܝ ܠܰܐܒܪܳܗܳܡ ܒܰܒܳܟ̥.

ܘ݄ܓܡܰܙ݄ܕ ܐ̱ܢܳܐ ܗ̄ܽܘ ܙܰܪܥܰܝܕ̥ܳܟ̥ ܐܟ̥ ܕܰܟّܘ̇ܟܒ̥̈ܶܐ ܕܺܗ̄ܝ ܫܡܰܝܳܐ، ܘ݄ܓܕܳܗ̄ܒܶܐ ܐ̱ܢܳܐ ܠܽܗ̄ܘ ܙܰܪܥܰܝܕ̥ܳܟ̥ ܟܽܘܠّܶܗ ܗ̄ܰܢ ܐܰܪ̈ܥܳܬ̥ܰܢܺܝ. ܘܒܽܗ̄ܘ ܙܰܪܥܰܝܕ̥ܳܟ̥ ܓܡܺܝܒܰܪܟ̥ܺܝ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ، ܥܰܠ ܕܫܰܡ݄ܥ ܐܰܒܪܳܗܳܡ ܗ̄ܽܘ ܡܰܐܡܪܰܝܕ̥ܺܝ، ܘ݄ܢܛ݄ܪ ܠܶܗ ܗ̄ܰܩّܳܢ̈ܽܘܢܰܝܕ̥ܺܝ ܘܰܦّܽܘܩܕ̈ܳܢܰܝܕ̥ܺܝ ܘܰܘّܰܥܕ̈ܰܝܕ̥ܺܝ ܘܰܗ̄ܢ ܢܳܡܽܘܣ̈ܰܝܕ̥ܺܝ.“

ܘ݄ܢܩܺܝܠ ܡܶܢ̱ ܬܰܡܳܐ ܘ݄ܚܦ݄ܪّܶܗ ܒܺܐܪܳܐ ܚܪܶܬܳܐ ܘܠܳܐ ܡܓܰܪܰܠّܶܗ ܚܕ̥ܳܕ̥̈ܶܐ ܐܰܥܠܰܗ. ܘ݄ܩܪܶܐ ܠܶܗ ܐ݄ܫܡܰܗ ܪܰܚܒܽܘܬ̥. ܘܐܡ݄ܪ ܠܶܗ: ”ܐ݄ܥܕܳܐ ܡܰܪܘܰܚ ܠܶܗ ܠܰܢ ܡܳܪܝܳܐ ܘܡܰܙ݄ܕ ܠܶܗ ܠܰܢ ܒܺܗ̄ܝ ܐܰܪܥܳܐ.“

ܘ݄ܚܙܶܐ ܐܶ‌ܠܶܗ ܡܳܪܝܳܐ ܘܐܡ݄ܪ ܠܶܗ ܠܶܗ: ”ܠܳܐ ܢܳܚܬܰܬ ܠܡܶܨܪܶܝܢ. ܝܺܬܰܒ̥ ܒܺܗ̄ܝ ܐܰܪܥܳܐ ܕܳܐܡܰܪ ܐ̱ܢܳܐ ܠܳܟ̥.

ܘ݄ܒܢܶܐ ܠܶܗ ܬܰܡܳܐ ܡܰܕ̥݄ܒܚܳܐ، ܘ݄ܩܪܶܐ ܠܶܗ ܒ݄ܐܫܡܶܗ ܕܡܳܪܝܳܐ. ܘܡܰܩ݄ܡ ܠܶܗ ܬܰܡܳܐ ܗ̄ܽܘ ܡܰܫܟܢܰܝܕ̥ܶܗ. ܘܰܓܪ̈ܶܝܥܶܐ ܕܺܐܝܣܚܳܩ ܚܦ݄ܪّܶܗ ܬܰܡܳܐ ܒܺܐܪܳܐ.