Popular Bible Verses from Alumi 3

Antʉ ɨhi atendile mɨlandʉ aleka kʉkʉligwa ni Itunda. Ingɨ gwa kʉ kɨpegwa ka ʉkende wang'wi Itunda, antʉ ɨhi ɨgombwa atule akende pang'wi Itunda kʉkɨɨla kʉkomolwa nʉ Kilisito Yesʉ.

Nzɨla nanso nakʉagomba antʉ ingɨ kʉmʉhʉɨɨla ʉ Kilisito Yesʉ, Itunda wɨtenda itɨ kʉ antʉ ɨhi nɨatyatile tai, shanga wɨmʉkoma mʉntʉ wɨhi.

Itunda aɨʉmʉpumilye ʉ Yesʉ ingɨ kʉsakami akwe, watule yiyo nzɨla akʉahegelya antʉ mɨlandʉao. Aʉtendile itɨ wahume kʉlagɨɨla kɨna nʉwanso mʉkende. Pakalɨ Itunda aɨmʉgimya shanga aʉkee mɨlandʉ a antʉ, itungo ɨlɨ, matungo aya shanga ʉkʉleka mɨlandʉ a antʉ, ʉtendile itɨ nʉwanso wahume kʉlagɨɨla kɨna mʉkende. Kʉkɨɨla itɨ Itunda ng'wenso ʉkʉlagɨɨla ʉkende wakwe, hangɨ kɨna wɨmʉtenda mʉntʉ wɨhi wagombwe nʉng'wenso kʉkɨɨla Kilisito Yesʉ.

Kʉlʉlo kʉtilɨ ng'waa mʉntʉ nʉhumile kʉgombwa ni Itunda nʉambile malagɨɨlyo, malagɨɨlyo ingɨ kɨntʉ kakʉmʉkɨmbʉsha ʉdʉ mʉntʉ kɨna witʉma mʉlandʉ.

Anga ʉandɨkwa wang'wi Itunda nʉʉandɨkilwe. “Kʉtile mʉntʉ wɨhi nʉwitʉma aya nagombekile kʉng'wi Itunda, kʉtilɨ anga mʉntʉ wɨhi nʉkete ɨmahala, ang'wɨ nʉwimʉkʉlya Itunda. Antʉ ɨhi amʉlekile Itunda, kʉtilɨ mʉntʉ wɨhi nʉwitʉma makani natakɨwe ni Itunda, kʉtilɨ nʉyʉ nʉng'wɨ ga

Kʉlʉlo kaona kɨna Itunda wɨmʉgomba mʉntʉ kɨna mʉza kʉng'wakwe kʉkɨɨla kʉmʉhʉɨɨla Yesʉ, shanga kʉnsoko akʉtyata malagɨɨlyo nalagɨɨye.

Shangaʉ! Matungo ɨhi Itunda wɨsaga wakʉhʉɨɨlwa nɨ antʉ, palʉng'wɨ nʉkʉtula ɨana aantʉ ɨhi ateele. Anga nɨyandɨkile kɨna “Lʉkani lɨhi nʉkʉligitya ingɨ yatai, nʉ mʉʉlamʉlwi ʉewe wɨhuma.”