Popular Bible Verses from Alumi 2

Itɨgwa ʉewe mʉhʉmbamɨane nʉwɨapɨsɨɨlya awa nɨitʉma makani anga nanso, kʉnʉ nʉewe ʉzituma yayo yaayo, itɨɨ ʉsɨgile kɨna Itunda shanga ʉkʉʉpɨsɨɨlya ne? Ang'wɨ ʉdalahile ʉkende wang'wi Itunda nisʉmbɨɨlyo lakwe nʉigigimɨɨlyi wakwe, shanga ʉlɨngile kɨna ʉkende wakwe ʉloilwe ʉewe ʉhume kila itʉnʉ ʉleke ɨmɨlandu ako nʉkʉmʉpɨlʉkɨla Itunda?

Itɨ gwa, mʉhʉmbamɨane, anga ɨze ʉewe wɨapɨsɨɨlya ɨako, shanga ʉhumile kilongoola, anga itule ʉewe wɨ nyenyu. Kʉnsoko aya nʉwɨapɨsɨɨlya nɨang'wɨ yayo yayoo nʉewe witʉma

Kʉnsoko Itunda wɨkʉɨɨla mʉntʉ wɨhi nʉkʉlamʉla.

Kʉnsoko shanga antʉ nɨija malagɨɨlyo ɨgombwa ni Itunda, ingɨ antʉ nɨakete ʉlwijo nʉkʉtenda malagɨɨlyo ɨgombwa kɨna akete taiane.

Lʉhikʉ nʉlanso ng'waamʉntʉ wɨhi ʉzepegwa ni Itunda kʉtyata mʉntendo yakwe mʉyɨlɨ.

Ingɨ kʉ antʉ nɨangɨza nɨiloilwe ɨenso du, nɨatyatɨla makani nɨmabɨɨ amahitile ɨmakani atai, akʉmʉsasha Itunda watake nʉyo ʉkʉapɨsɨɨlya mʉitakɨwe.

Kʉnsoko lʉgoha mʉhitile kʉleka ɨmɨlandʉ, kʉlʉlo mʉkiɨkɨlya ʉpɨsɨɨligwa kʉlʉhikʉ nʉlanso angalɨpike itungo Itunda nʉkʉpɨsɨɨlya kʉ taiane.