Popular Bible Verses from ᐃᓕᓯᒪᓃᑦ ᐃᒃᓖᓯᐊᓯᑏᔅ 3

Share

ᓱᓇᑐᐃᓐᓁᑦ ᐱᕕᒃᓴᖃᕐᐳᑦ, ᕿᓚᐅᑉ ᐊᑖᓃᑦᑐᑦ ᓱᓇᑐᐃᓐᓇᐅᒐᓗᐊᕐᐸᑕ ᓇᓪᓕᐅᓐᓂᖃᕐᐳᑦ.

ᓇᓪᓕᐅᓐᓂᖃᕐᐳᖅ ᐃᕐᓂᐊᖑᕕᒃᓴᒥᒃ, ᓇᓪᓕᐅᓐᓂᖃᕆᕗᖅ ᑐᖁᕕᒃᓴᒥᒃ; ᓇᓪᓕᐅᓐᓂᖅᑲᕐᐳᖅ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓂᕐᒥᒃ, ᓇᓪᓕᐅᓐᓂᖃᕆᕗᖅ ᐱᕈᕐᓯᐊᓂᒃ ᓄᓲᕅᓂᕐᒥᒃ; ᓇᓪᓕᐅᓐᓂᖃᕐᐳᖅ ᑐᖁᑦᓯᓂᕐᒧᑦ, ᓇᓪᓕᐅᓐᓂᖃᕆᕗᖅ ᐱᔪᓐᓃᕐᑎᑦᓯᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᕐᕈᑎᑦᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓗᓕᐅᕐᓂᕐᒥᒃ

ᓇᓪᓕᐅᓐᓂᖃᕐᐳᖅ ᕿᐊᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᒡᓚᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᒡᒍᐊᕐᓂᕐᒥᒃ, ᓇᓪᓕᐅᓐᓂᖃᕆᕗᖅ ᑖᓂᓯᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᐅᔭᖅᑲᓂᒃ ᐃᒋᑦᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᐅᔭᖅᑲᓂᒃ ᑲᑎᕐᓱᐃᓂᕐᒥᒃ; ᓇᓪᓕᐅᓐᓂᖃᕐᐳᖅ ᐃᕿᑦᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᐃᕿᑦᓯᑦᑍᓕᓂᕐᒥᒃ

ᓇᓪᓕᐅᓐᓂᖃᕐᐳᖅ ᐊᓕᒃᓯᓂᕐᒥᒃ, ᓇᓪᓕᐅᓐᓂᖃᕆᕗᖅ ᒥᕐᓱᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᓂᐰᓐᓂᕐᒥᒃ, ᓇᓪᓕᐅᓐᓂᖃᕆᕗᖅ ᐅᖃᕆᐊᖃᕐᓂᕐᒥᒃ; ᓇᓪᓕᐅᓐᓂᖃᕐᐳᖅ ᓇᒡᓕᒍᓱᒡᕕᖕᒥᒃ, ᓇᓪᓕᐅᓐᓂᖃᕆᕗᖅ ᐆᒥᓱᒡᕕᖕᒥᒃ; ᓇᓪᓕᐅᓐᓂᖃᕐᐳᖅ ᐅᓇᑕᕐᓂᕐᒥᒃ, ᓇᓪᓕᐅᓐᓂᖃᕆᕗᖅ ᐅᓇᑕᖏᓐᓂᕐᒥᒃ.

ᓇᓪᓕᐅᓐᓂᖃᕐᐳᖅ ᕿᓂᕐᓂᕐᒧᑦ, ᓇᓪᓕᐅᓐᓂᖃᕆᕗᖅ ᐊᓯᐅᔨᓂᕐᒥᒃ; ᓇᓪᓕᐅᓐᓂᖃᕐᐳᖅ ᐱᓯᒪᔪᒪᓂᕐᒥᒃ, ᓇᓪᓕᐅᓐᓂᖃᕆᕗᖅ ᓴᒃᑯᑦᓯᓂᕐᒥᒃ

ᖃᐅᔨᒪᕗᖓ ᒎᑎᐅᑉ ᖃᓄᐃᓕᐅᕐᓂᖏᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᒪᑕ. ᓱᓇᒥᒃ ᐃᓚᔭᐅᔪᓐᓇᓐᖏᓚᑦ, ᓱᓇᒥᒡᓘᓐᓃᑦ ᐃᓚᓐᖓᕐᑕᐅᔪᓐᓇᓐᖏᓚᑦ. ᒎᑎᐅᑉ ᓴᓇᓚᐅᕐᒪᒋᑦ ᐃᓄᐃᓪᓗ ᓯᕘᕋᔭᕆᐊᖃᕐᐳᑦ ᒎᑎᐅᑉ ᓵᖓᓂ.

ᐆᒻᒪᑎᑯᑦ ᐃᓱᒪᓚᐅᕐᐳᖓ, “ᒎᑎᐅᑉ ᐃᖅᑲᕐᑐᐃᕕᖕᒧᑦ ᕾᑎᑦᓱᒫᕐᐰᑦ ᐱᐅᔪᑦ ᐱᐅᖏᑦᑐᓕᔪᓪᓗ, ᓇᓪᓕᐅᓐᓂᖃᕐᒪᑦ ᐱᑦᔪᑎᒃᓴᖃᕐᑐᓄᑦ ᓱᓇᑐᐃᓐᓇᕐᓄᑦ ᓴᓇᓯᒪᔪᓄᓪᓗ.”